डाबकी रेल्वे उड्डाण पुलाच्या सिमेंट ब्लॉकला ठिकठिकाणी तडे जात असल्यामुळे नागरिकांच्या जीवितास धोका -अ भा ग्राहक पंचायत

अकोला (बाळासाहेब नेरकर)– अकोला शहरातील डाबकी रोड रेल्वे उड्डाण पूल शेगाव बुलढाणा जिल्ह्य। तसेच अकोट तालुका,तेल्हारा तालुका,बाळापूर तालुक्यातील नागरिकांसाठी अतिमहत्वाच्या असून गेली कित्येक वर्षांपासून संथगतीने काम सुरू असून उड्डाण पुलाच्या दोन्ही साईडचे रस्ते अरुंद व खराब झाल्यामुळे नागरिकांसाठी जीवघेणे ठरत आहेत,तसेच उड्डाण पुलाच्या दोन्ही साईडच्या भिंतीला सिमेंट ब्लॉक लावले असून त्यांना तडे गेले आहे,काही ठिकाणी सिमेंट लावून भेगा भरण्याच्या केविलवाणा प्रकार ठेकेदारांच्या वतीने करण्यात आल्याचे दिसून येत असल्यामुळे पूल सुरू होण्याआधीच पुलाच्या कामावर प्रश्नचिन्ह निर्माण झाल्यामुळे प्रचंड भ्रष्टाचार झाल्याचे नागरिकांमध्ये चर्चा होत आहे.तसेच शहरातील रस्त्यासारखी अवस्था न व्हावी यासाठी उड्डाणपुलाच्या कामाकडे कर्त्यव दक्ष जागरूक जनप्रतिनिधीनी तसेच बांधकाम विभाग अकोला यांनी तात्काळ लक्ष देऊन संभाव्य धोका ओळखावा,जेणेकरून येणाऱ्या काळामध्ये होणाऱ्या मोठ्या दुर्घटनेस आळा घालता अशी मागणी डॉ अशोक ओळंबे,अध्यक्ष महानगर सुधार कृती समिती,हेमंत जकाते संघटनमंत्री अ भा ग्राहक पंचायत अकोला जिल्हा यांनी नागरिकांच्या वतीने एका पत्रकाद्वारे केली असून तात्काळ दखल घेऊन उचित कार्यवाही करण्याची विनंती बांधकाम विभाग अकोला व सबंधीत जनप्रतिनीधी यांचेकडे केली आहे.