अकोट ग्रामीण पोलिसांची धडक कारवाई; पोपटखेड धरणानजीक पकडला अवैध रेतिचा टीप्पर

अकोट (शिवा मगर)– दि 07 फेब्रुवारी अकोट तालुक्यातील पोपटखेड धरणाच्या गेटजवळ रेतिचे अवैध उत्खनन करुन टीप्परमध्ये भरण्याच्या तयारीत असतांना अकोट ग्रामीण पोलिसांनी सदर टीप्पर पकडून जप्त केला व कागदपत्राची मागणी केली असता रेती चोरुन नेत असल्याचे आढळून आले.त्यावरुन शनिवारी दुपारच्या सुमारास कारवाई करण्यात आली आहे.पोपटखेड धरणाच्या बाजुला असलेल्या पठार नदीपात्रात रेतिचे उत्खनन करुन टीप्पर क्रमांक एम एच 04 एक्सजे 0728 या क्रमांकाच्या टीप्परमध्ये रेती भरली जात होती.पोलिसांनी घटनास्थळ गाठून टीप्परचालकास विचारणा केली.त्याने सदर टीप्पर शेझ इसाक यांच्या मालकीचे असल्याचे सांगितले.पोलिसांनी सदर टीप्पर जप्त करुन ग्रामीण पोलिस स्टेशनला आणले आहे.याप्रकरणी पोलिस कानस्टेबल रामेश्वर भगत यांच्या फिर्यादी वरुन दोघाविरुध्द कलम 379,34 अन्वये गुन्हा दाखल केला असुन यामधील शेख राजिक शेख अशरफ याला अटक करण्यात आली आहे.तर एक आरोपी फरार आहे.त्यामूळे ग्रामीण पोलिसांनी केलेल्या रेती चोरी विरुध्द धडक कारवाई मुळे रेती चोरांचे धाबे दणाणले असुन अकोट महसूल विभाग यांच्या कार्यक्षमतेवर प्रश्नचिन्ह निर्माण झाले आहे.तरी खूलेआम सुरु असलेल्या या अवैध रेती चोरीमुळे शासनाचा लाखो रुपये किमतीचा महसूल बुडत आहे.करिता वरिस्ठ अधिकारी यांनी लक्ष देने गरजेचे आहे. या विरुध्द लेखी तक्रार सुध्दा दिल्याचे समजते.मात्र दोषी विरुध्द चौकशी करुन कुठली कारवाई करण्यात येते याकडे लक्ष लागले आहे.