राष्ट्रीय महामार्ग क्रमांक ६ वर जिनिंग प्रेसिंग फॅक्टरी मध्ये सहमजूरांसाठी सायकलवरून जेवायचे डब्बे घेऊन जाणाऱ्या जुनी वस्ती रहेमत नगर परिसरात राहणाऱ्या २० वर्षीय युवकास ट्रकने चिरडल्याने तो जागेवरच ठार झाला. घटनास्थ़ळी रक्ताचा संडा साचला होता.
घटनेनंतर ट्रक जागेवरच सोडून चालक फ़रार झाला.मृतक युवकाचे नाव तवेज खान तमेज खान आहे.हातगाव येथील जिनिंग प्रेसिंग फॅक्टरी मध्ये मजूर म्हणून काम करत होता. फ़ैक्टरी मधील सहमजूरांचे जेवणाचे डबे घेऊन जाण्यासाठी तवेज खान तमेज खान (२०) दुपारी सायकलने घरी परत आला होता.
सर्वांचे जेवणाचे डबे घेऊन तो पुन्हा कामावर जाण्यासाठी निघाला असता, राष्ट्रीय महामार्गावर कृषी उत्पन्न बाजार समिती समोर भरधाव वेगाने येणा-या जीजे १९ एक्स ४०७६ या क्रमांकाच्या ट्रकने दिलेल्या जोरदार धडकेमुळे ट्रकच्या मागच्या चाकाखाली आल्याने त्याचा घटनास्थळीच मृत्यू झाला. दरम्यान ट्रक सोडून ट्रक चालक पसार झाला, शहर पोलीसांनी ट्रक जप्त केला असून चालकाचा शोध घेणे सुरू आहे.
