तेल्हारा(प्रतिनिधी)- तालुक्यातील देवरी अडसूळ रोडवर उमरी नजीक संध्याकाळी पाच च्या सुमारास ट्रॅक्टर व चारचाकी वाहनाची जोरदार धडक झाली.यामध्ये एक जण जागीच ठार झाल्याची घटना घडली.
तेल्हारा पोलिसांनी दिलेल्या माहितीनुसार mh 27 .bf 5873 या चारचाकी वाहनाचा ड्रायव्हर कौस्तुभ सुभाष शिंगणे (25)हा सदर वाहनाने शेगाव येथे जात होता.या दरम्यान उमरी गावानजीक मातीने भरलेला ट्रॅक्टर क्र.mh 30 BB 1636 यास मागून धडक बसली.या वेळी सदर चारचाकी वाहनात बाजूला बसलेला प्रकाश जांभे (35) रा.महेंद्र कॉलनी अमरावती याचा घटनास्थळी मृत्यू झाला.वृत्त लिहेपर्यंत तेल्हारा पोलिसात गुन्हा दाखल करण्याची प्रक्रिया सुरू होती.
