तेल्हारा : अखिल भारतीय मराठा महासंघ अकोला जिल्हा अंतर्गत तेल्हारा तालुका शाखेची कार्यकारिणी जाहीर करण्यात आली असून सामाजिक कार्यकर्ते अंकुश सपकाळ यांची तालुकाध्यक्षपदी निवड झाली. महासंघाचे विभागीय पदाधिकारी राष्ट्रीय उपाध्यक्ष विनायकराव पवार यांच्या मार्गदर्शनाखाली जिल्हा अध्यक्ष कृष्णा अंधारे , जिल्हा उपाध्यक्ष सचिन शिंदे, यांनी केलेल्या शिफारसीनुसार सदर कार्यकारिणी नियुक्त करण्यात आली.
समितीचा कालावधी तीन महिन्यांचा राहणार असून या कालावधीत समितीला आपल्या कार्यक्षेत्रात महासंघाची संघटनात्मक बांधणी करून महिला, युवक, विध्यार्थी जोडून त्या सर्वांची नवीन कार्यकारिणी करावयाची आहे. त्यानंतर रीतसर नियुक्ती पत्र देण्यात येणार आहे. महासंघाचे राष्ट्रीय अध्यक्ष ऍड. शशिकांत पवार व सरचिटणीस राजेंद्र कोंढरे यांनी ही समिती नियुक्त केली असून समितीत अंकुश सपकाळ – तालुकाध्यक्ष, उपाध्यक्ष पदी किशोर ताथोड , संदीप जवंजाळ , नितीन देशमुख , प्रदीप उर्फ मुन्ना खारोडे, वैभव गावंडे,अमोल राऊत, संपर्क प्रमुख पदी -प्रवीण राऊत , ऋषिकेश गावंडे, श्रीकांत कोरडे, तर प्रसिद्धीप्रमुख पदी व सोशल मीडिया प्रमुख – अभिजीत गावंडे म्हणुन समावेश करण्यात आला, असे प्रसिद्धीस दिलेल्या पत्रकात कळविण्यात आले.
