अकोला,दि.13 (जिमाका)- ग्रामपंचायत निवडणूक निर्भयपणे व शांततेने होण्यासाठी प्रशासनाने संपुर्ण तयारी केली असुन प्रशासन ग्रामपंचायत निवडणूकीसाठी सज्ज असल्याचे प्रतिपादन जिल्हाधिकारी जितेंद्र पापळकर यांनी केले.
जिल्हाधिकारी यांच्या दालनात आज (दि.15) रोजी ग्रामपंचायत निवडणूकीच्या संदर्भातील तयारी व कायदा व सुव्यवस्थाबाबत व्हिडिओ कॉन्फरन्सी द्वारे आढावा घेण्यात आला यावेळी जिल्हा पोलीस अधिक्षक जी. श्रीधर, निवासी उपजिल्हाधिकारी अधिकारी तथा प्रभारी निवडणूक अधिकारी ग्रामपंचायत संजय खडसे, राज्य उत्पादन शुल्क विभागाच्या स्नेहा सराफ, उपविभागीय अधिकारी निलेश अपार, उपविभागीय पोलीस अधिकारी सचिन कदम, तहसिलदार विजय लोखंडे, अधिक्षीका मीरा पागोरे यांची प्रमुख उपस्थिती होती .तसेच व्हिडिओ कॉन्फरन्सी द्वारे जिल्हयातील उपविभागीय अधिकारी, तहसिलदार, उपविभागीय पोलीस अधिकारी व पोलीस ठाण्यांचे पोलीस निरिक्षक सहभागी झाले होते.
यावेळी ग्रामपंचायत निवडणूका करीता आवश्यक बंदोबस्त, संवेदनशिल मतदान केंद्राबाबत घ्यावयाची दक्षता, कायदा व सुव्यवस्था, सुरक्षा कक्षांचे बंदोबस्त, मतमोजणी बंदोबस्त तसेच मतमोजणी नंतर अनुचित प्रकार घडणार नाही याबाबत दक्षता यावर सविस्तर चर्चा करण्यात आली.
ग्रामपंचायत सार्वत्रिक निवडणूका २०२१
मा. राज्य निवडणूक आयोगाचे पत्र दि. ११/१२/२०२० चे पत्रानुसार अकोला जिल्हयातील ग्रामपंचायतीच्या सार्वत्रिक निवडणूका करीता प्रत्‍यक्ष निवडणूक कार्यक्रम जाहिर केला आहे. त्‍यानुसार मतदानाची तारीख १५/०१/२०२१ सकाळी ७.३० ते ५.३० पर्यत. मतमोजणी तारीख १८/०१/२०२१ रोजी सकाळी १०.०० वाजता पासून.
प्रतिबंधात्‍मक आदेश लागु करणेबाबत
१. ग्रामपंचायत सार्वत्रिक निवडणुक २०२०-२०२१ करिता फौजदारी संहिता १९७३ चे कलम १४४ अन्‍वये
प्रतिबंधात्‍मक आदेश लागु करण्यात आले आहेत.
२. ज्‍या ग्रामपंचायतीच्या निवडणूका आहेत त्या ठिकाणी मतदानाचे दिवशी आठवडी बाजार बंद राहतील.
मतदानाकरिता ओळखीचे पुरावे
अकोला जिल्हयातील जिल्हा परिषद व पंचायत समिती सार्वत्रिक निवडणुकीमध्‍ये मतदारांची ओळख पटविण्‍यासाठी भारत निवडणुक आयोगाने दिलेल्‍या मतदार ओळखपत्राव्‍यतिरिक्‍त अन्‍य १७ कागदपत्रे सादर करण्‍यास परवानगी दिलेली असुन ती कागदपत्रे खालीलप्रमाणे आहेत.
पासपोर्ट / वाहन चालविण्‍याचा परवाना / आयकर विभागाकडील पॅन ओळखपत्र,केंद्र शासन/राज्य शासन/सार्वजनिक उपक्रम/स्‍थानिक स्‍वराज्‍य संस्‍था यांनी आपल्या कर्मचा-यांना फोटोसहीत दिलेली ओळखपत्रे.
राष्‍ट्रीयकृत बॅंका अथवा पोस्‍ट ऑफीस यामधील खातेदाराचे फोटो असणारे पासबुक.स्‍वातंत्र्य सैनिकाचे फोटो असलेले ओळखपत्र.राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत
सक्षम प्राधिका-याने अनुसुचित जाती/अनुसुचित जमाती/इतर मागासवर्ग/विमुक्‍त जाती/भटक्‍या जमाती/विशेष मागासवर्ग प्रवर्ग इत्‍यादींना फोटासहित दिलेले प्रमाणपत्र.राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत सक्षम प्राधिका-याने दिलेला फोटोसहित अपंगत्‍वाचा दाखला मालमतेबाबतची कागदपत्रे तसेच नोदणी खत इत्‍यादी (फोटासहित)फोटोसहित देण्यात आलेला शस्‍त्रास्‍त्राचा परवाना राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत दिलेले राष्‍ट्रीय ग्रामीण रोजगार हमी योजनेखालील फोटो असलेले ओळखपत्र,राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत दिलेले निवृत्‍त कर्मचा-याने फोटो असलेले पासबुक ,राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत दिलेले निवृत्‍त कर्मचा-यांच्या विधवा/अवलंबित व्‍यक्‍ती यांचे फोटो असलेले प्रमाणपत्र.राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत
दिलेले वयस्‍कर निवृत्‍ती वेतनधारक अथवा त्‍यांच्‍या विधवा यांचे, फोटो असेलेले प्रमाणपत्र.केंद्र शासनाच्‍या श्रम मंत्रालयाने दिलेले आरोग्‍या विमा योजनेचे फोटोसहित कार्ड राज्य निवडणुक आयोगाने निवडणुक कार्यक्रम जाहीर केल्‍याच्‍या आधीच्‍या तारखेपर्यंत दिलेली शिधापत्रिका (कुटुंबातील सर्व मतदारांनी मतदान करण्‍यासाठी एकत्र येणे आवश्यक असेल. तसेच जर शिधापत्रिकेवर एकाच व्‍यक्‍तीचे नाव असल्‍यास त्‍याने स्‍वत्‍ःच्‍या वास्‍तव्‍याचा अन्‍य पुरावा जसे वीज वारपराचे देयक, दुरध्‍वनी वापराचे देयक,प्रॉपर्टी कार्ड किंवा घरपट्टी भरल्‍याची पावती सोबत आणणे बंधनकारक राहील.) आधार ओळखपत्र
मतदारांनी मतदानाचे दिवशी भारत निवडणुक आयोगाने दिलेल्‍या मतदार ओळखपत्रा व्‍यतिरिक्‍त वरील पैकी कोणताही एक पुरावा मतदारांनी सादर करणे आवश्यक आहे.
