पातुर (सुनिल गाडगे) -पातुर येथील अतिशय गरीब परिवारातील पातुर शहर बजरंग दल संयोजक तसेच ‘ गौ ‘ पालक ओम विजय निमकंडे यांचा पुण्य नगरीत पिंपरी चिंचवड महानगरपालिकेचे माजी महापौर व विद्यमान नगरसेवक सन्माननीय राहुलदादा जाधव यांनी पितळेची गौमातेची शिल्ड देऊन यथोचित सन्मान केला.
एवढ्या लहान वयात देशासाठी धर्म कार्य करत असलेल्या कार्याची ओम विषयीची माहिती पातुर तालुका विकास मंचाचे संयोजक ठाकुर शिवकुमारसिंह बायस यांनी महापौर यांना दिली होती त्याची दखल घेवून त्यांनी ओम करत असलेल्या कार्याचं खुप कौतुक करून विषेश सत्कार केला.
पातुर शहरातील गरीब कुटूंबातील सर्व सामान्य कार्यकर्त्याच्या या सन्मानाने सर्व पातुर करांमध्ये आनंदाचं वातावरण निर्माण झालं आहे अशी भावना सर्वत्र व्यक्त केली जात आहे. निष्काम भावणेने केलेल्या कार्याची दखल कुणी ना कुणी घेत असतो व त्याला योग्य न्याय मिळत असतो हे यातुन स्पष्ट होते.
ओम निमकंडे यांनी महापौर राहूलदादा जाधव व पातुर तालुका विकास मंचाचे संयोजक ठाकुर शिवकुमारसिंह बायस यांचे यावेळी खुप आभार मानून त्यांच्या सत्काराप्रती नेहमी कृतज्ञता ठेवील असे आपले मत व्यक्त केले. याप्रसंगी पिंपरी चिंचवड महानगरपालिकेचे माजी महापौर व विद्यमान नगरसेवक राहूलदादा जाधव , पातुर तालुका विकास मंचाचे संयोजक ठाकुर शिवकुमारसिंह बायस , सरपंच संभाजी आबा घारे , उद्योजक आदित्य गाडे , प्रसिद्ध अभिनेता ऋषी थोरात आदी मान्यवर उपस्थीत होते.
