पातूर (सुनिल गाडगे)- अकोला पातूर महामार्गावर शिर्ला फाट्यानाजीक ट्रक व मारुती ओमनी मध्ये अपघात होऊन ओमनी चालकाचा जागीच मृत्यू झाला,तर दोन महिला जखमी असून त्यापैकी एक महिला गंभीर असल्याचे वृत्त आहे.
पातूर येथील पाटील मंडळी येथील रहिवासी प्रमोद पाटील (३८) हे आपल्या ओमनी गाडीने पणज येथून नातेवाईकाच्या अंतिमसंस्कारावरून परत येत असताना त्यांच्या मारुती ओमनी क्रमांक MH 30 AF 3156 व पातूर कडून अकोल्याकडे येत असलेला आयशर ट्रक यांच्यामध्ये समोरासमोर धडक होऊन अपघात झाला.सदर अपघात एवढा भीषण होता की,ओमनी कारचा अक्षरशः चुराडा झाला असून त्यात ओमनीचालक प्रमोद बाबुराव पाटील यांचा जागीच मृत्यू झाला.तर ओमनी मधील सहप्रवाशी मृतकाची पत्नी वर्षा प्रमोद पाटील ही महिला जखमी असून शीला बाळू पाटील ही महिला गंभीर जखमी झाली आहे.पणज येथून अंतिमसंस्कार पार पाडून परत येत असतांना गाडीत समोर बसून असलेले मुलगी व मुलाला कापशी येथे नातेवाईकांच्या घरीच उतरवले.त्यामुळे सुदैवाने चिमुकल्यांचे प्राण बचावले.
जखमींना पुढील उपचाराकरिता अकोला येथे हलविले असून मृतकास शवविच्छेदनाकरिता सर्वोपचार रुग्णालयात नेण्यात आले आहे.पुढील तपास पातूर पोलीस करीत आहेत.
