विशेष पथकाच्या अवैध धंद्यावर तालुक्यात धाडी;पातूर पोलीस कुंभकरणी झोपीत

पातूर (सुनिल गाडगे) :  शहरासह तालुक्यात अवैध धंदे फोफावले असून या अवैध धंद्याकडे पातूर पोलिसांनी अर्थपूर्ण दुर्लक्ष केलेले असल्याचि खमंग चर्चा शहरात आहे शहरासह तालुक्यात वरली, जुगार, अवैध दारू विक्री जोरात सुरु असून या अवैध धंद्यावर अकोला येथून विशेष पथक पातूर मध्ये येऊन कारवाई करतात मात्र हेच अवैध धंदे पातूर पोलिसांना दिसत नाही का असा संतप्त सवाल शहरात ऐकवयास मिळत आहे अशीच कारवाई आज दुपारी विशेष पथकाने पातूर, शीर्ला, चिखलगाव या ठिकाणी धाडी टाकून अंदाजे 25 हजार रुपया चा नगदी व मुद्देमाल जप्त केला यात पातूर येथील बाळापूर रोडवरील क्वालिटी हॉटेल मागे अवैध धंदा सुरु असल्याची माहिती विशेष पथकाला मिळाली असता त्याठिकाणी धाड टाकून अमोल रमेश तायडे, मो. सलाउद्दीन मो. जलाउद्दीन, गोपाल प्रल्हाद बोंबटकार, शे. शमशेर शे. आमद यांच्या जवळून 19760 रुपयाचा मुद्देमाल जप्त केला असून शीर्ला येथील शीतला माता मंदिर जवळ जुगार सुरु असल्याची माहिती विशेष पथकाला मिळाली असता त्या ठिकाणी धाड केली असता त्याठिकाणी अमोल लक्ष्मण ढाले, इरफान शहा सुलतान शहा यांच्या जवळून 2340 रुपयाचा मुद्देमाल जप्त केला असून वृत्त लिहेस्तोवर चिखलगाव येथे धाड करून 2 इसमांना ताब्यात घेतले असून त्याची माहिती प्राप्त झालेली नाही चौकट : विशेष पथकाने बाळापूर रोड वरील क्वालिटी हॉटेल मागे धाड टाकली असता विशेष पथकाने तोंड पाहून काही नागरिकांना सोडून दिले तर काही विशेष पथकातील काही कर्मचाऱ्यांनि नागरिकांचे खिशात हात घालून खिश्यातील रक्कम काढून त्या नागरिकांना सोडून दिले असल्याचि घटना हजारो लोकांनि पाहिली