अकोला – राष्ट्रीय अन्न सुरक्षा अभियान कडधान्य अंतर्गत हरभरा पिकाच्या १० वर्षा आतील वाणास रू.२५/-प्रति किलो प्रमाणे व १० वर्षा वरील वाणास रू.१२/- प्रति किलो प्रमाणे अनुदानीत दराने बियाणे उपलब्ध करून देण्यात येणार आहे, असे जिल्हा अधिक्षक कृषि अधिकारी यांनी कळविले आहे. तसेच या बियाण्यांचा शेतकऱ्यांनी लाभ घ्यावा,असे आवाहनही केले आहे.
शेतकऱ्यांना दर्जेदार, प्रमाणित बियाणे अनुदानित दरावर उपलब्ध व्हावे व कडधान्य व तृणधान्य पिकांच्या नवीन वाणाचा (१० वर्षा आतील व १० वर्षा वरिल) प्रचार प्रसार व्हावा. तसेच शेतकऱ्यांना अवलंब करण्यास प्रोत्साहन मिळावे , या उद्देशाने हे अनुदानित कडधान्य व गहू पिकाची बियाणे अनुदानित दरावर उपलब्ध करुन देण्यात येणार असल्याचे तसेच ग्राम बिज उत्पादन(SVS) अंतर्गत गहू पिकाच्या १० वर्षा आतील वाणास रू.१०/-प्रति किलो प्रमाणे व १० वर्षा वरिल वाणास रू.१०/- प्रति किलो प्रमाणे अनुदानीत दराने बियाणे उपलब्ध करून देण्यात येत आहे. हरभरा पिकाच्या १० वर्षाआतील वाणास रू.१२/-प्रति किलो प्रमाणे व १० वर्षा वरिल वाणास रू.१२/- प्रति किलो प्रमाणे अनुदानित दराने बियाणे उपलब्ध करून देण्यात येत आहे.
बियाण्याचे वितरण महाबीज मार्फत
महाबीज, अकोला मार्फत त्यांच्या अधिकृत वितरकांद्वारे तालुका निहाय हरभरा व गहू पिकाचे प्रमाणित बियाणे वितरण करण्यात येत आहे. अनुदानीत दराने उपलब्ध प्रमाणित बियाण्याचा लाभ घेण्याकरिता शेतकऱ्यांनी बियाणे पुरवठादार संस्थांच्या अधिकृत वितरकांकडे अनुदान वजा जाता दराने प्रमाणित बियाणे खरेदी करावे. कोरोना महामारीच्या पार्श्वभूमीवर व दुरुक्ती टाळण्या करिता महाबीज अकोला यांनी विकसित केलेल्या (MAHABEEJ MARKETING DELEARS AAP) ॲपच्या आधारे वितरण करण्यात येणार आहे. त्यामुळे महाबीज चे बियाणे खरेदी करण्याकरिता शेतकऱ्यांना परमिट ची आवश्यकता नाही. परंतु मूळ आधारकार्ड, सात बारा आणि मागसवर्गीय शेतकरी असल्यास जातीच्या दाखल्याची स्वयंस्वाक्षांकित प्रत महाबीज विक्रेत्यांकडे घेवून जाणे आवश्यक आहे.
या योजनेत सर्वसाधारण,अनु जाती,अनु जमाती प्रवर्गातील अत्यल्प/अल्प भूधारक (अपंग,महिला,माजी सैनिक आत्महत्याग्रस्त कुटुंब) शेतकऱ्यांनाच ०.४० हे मर्यादेपर्यंत ४० किलो बियाणे प्रति लाभार्थी मिळू शकेल व प्रथम येणाऱ्यास प्रथम तत्वावर वाटप करण्यात येईल प्रमाणित बियाणे वितरण घटका अंतर्गत हरभरा व गहू पिकाचे वाण उपलब्धते प्रमाणे वितरीत करण्यात येत आहे. तरी जिल्ह्यातील शेतकऱ्यांनी वरिल प्रमाणे हरभरा पिकाच्या अनुदानीत दराने प्रमाणित बियाण्याचा लाभ घेणे करीता मंडळ कृषि अधिकारी व तालुका कृषि अधिकारी यांच्याशी संपर्क साधून अधिकृत बियाणे वितरकाकडून अनुदानीत दराने प्रमाणित बियाणे खरेदीचा लाभ घ्यावा असे अवाहन जिल्हा अधिक्षक कृषि अधिकारी, अकोला यांनी केले आहे. अधिक माहितीकरिता कृषि विभागाच्या नजीकच्या कार्यालयाशी तसेच महाबीज,अकोला यांच्या अधिकृत वितरकांशी संपर्क साधावा.
