सिरसोली(विनोद सगणे)- सिरसोली येथे मराठा इंग्रज यांच्यादरम्यान झालेल्या युद्धामध्ये अठरा पगड जातीतील सैनिक जिवाची पर्वा न करता लढले.या युद्धात मायभुमीच्या रक्षणासाठी हौतात्म्य पत्करलेल्या वीर योद्धांना दरवर्षीप्रमाणे 29 नोव्हेंबरला श्रद्धांजली वाहण्यासाठी परिसरातील नागरिकांची मोठ्या संख्येने युद्धभूमीवर उपस्थिती होती.
अकोला जिल्ह्यातील तेल्हारा तालुक्यातील सिरसोली या गावी 23 ते 29 नोव्हेंबर१८०३ मध्ये मराठा व इंग्रज यांच्या मध्ये फार मोठे युद्ध झाले होते लॉर्ड आर्थर वेलस्ली यांच्या उपस्थितित कॅप्टन केन हा इंग्रजी फौजेचे नेतृत्व करत होता . तर मराठा फौजेचे नेतृत्व श्री मनोहर बापु भोसले हे करीत होते .त्यांना विश्वासू शुरविर समशेरबहाद्दर सरदार श्री कर्ताजीराव जायले मदतीला होते.हे युद्ध ६ दिवस चालले. इंग्रजांकडे अत्याधुनिक शस्त्रे असुनही मराठ्यांनी तलवारीच्या जोरावर इंग्रज सैन्य कापून काढले होते. कर्ताजीराव जायले यांनी स्वतःचे बलीदान देऊन कप्टन केनला ठार मारले .अठरा पगड जातीतील सर्व सैनिक जिवाची पर्वा न करता लढले व अतुलनीय शौर्य गाजविले. अशी माहिती कार्यक्रमाचे आयोजक अनंतराव गावंडे यांनी यावेळी दिली. तद्नंतर इतिहास अभ्यासक प्रा संतोष झामरे यांनी छत्रपतीं शिवाजी महाराजांनी माय भूमि च्या प्रेमाची ज्योत प्रत्येक नागरिकाच्या मनात जागृत केली होती, त्याची प्रचिती शिरसोली येथील युद्धात पाहावयास मिळाली असे साद्यंत वर्णन त्यांनी आपल्या भाषणात केले. इतिहासप्रेमी संघर्ष सावरकर व संदीप बोबडे यांनी युद्धभूमीचे इतिहासाबद्दल माहिती दिली.यावेळी पुरुषोत्तम लाजूरकर यांनी शौर्य गीत सादर केले. यावेळी अकोट न पा सदस्य मनीष कराळे,विवेक बोचे श्रीकांत गायगोले,अवि विष्णुपंत गावंडे, राजूभाऊ नागमोते, उमेश जायले, शिवशंकर जायले , पिंटू पाटील वडतकार पुरुषोत्तम मोहोकार, विष्णू झामरे, ऋषिकेश खोटरे,संतोष ताकोते ,वैभव आखरे ,अविनाश सावरकर, संदीप कुलट, अमर भागवत, प्रवीण सिरस्कार, अभिलाष निचळ नंदूभाऊ आढाऊ, योगेश वाकोडे ,अनिल बिहाडे, विजय जायले,राम म्हैसने, राजू गावंडे ,रामदास चौखंडे ,विजय उगले, राजेश सगने, प्रशांत काईंगे ,अरुण गावंडे, वैभव चिकटे ,विजय बेदरकर, संजय खोटरे, संदीप गावंडे ,पप्पू धंदारे, गणेशा आंग्रे, मुरली नहाटे ,बापूराव नहाटे, विनायकराव नहाटे, अमोल नहाटे कुणाल कुलट ,मराठा महासंघाचे सचिन शिंदे, किशोर देशमुख ,निखील कुलट ,सौरव इंगळे, विजय इंगोले ,शक्ती गीते, राहुल काळे, प्रवीण भगत, प्रयत्न कराळे, नंदू गेबड आदींची मोठ्या प्रमाणात उपस्थिती होती सर्वप्रथम शिरसोली गावातील मोकास वाडा येथे इतिहास प्रेमींनी भेट दिली तद्नंतर युद्धभूमीवर येऊन श्रद्धांजली अर्पण केली.
