तेल्हारा(प्रतिनिधी)- दि ९ रोजी रात्री ९ वाजेच्या दरम्यान चोरट्यांनी बळजबरीने महिलेच्या गळ्यातील मंगळसूत्र चोरल्याची घटना शहरात घडली आहे.
स्थानिक गजानन नगर येथे राहणारे मंगेश शित्रे हे आपल्या परिवारासोबत हॉटेल मध्ये जेवणाकरिता गेले होते जेवण झाल्यानंतर त्यांची पत्नी जेठाणी व मुलांसोबत पायी चालत येत असतांना साई मंदिर रोडवरील यश मोटर्स जवळ चोरट्याने पायी येऊन तोंडाला रुमाल बांधून मीना शिंत्रे यांच्या गळ्यातील पट्टा पोथ बळजबरीने ओढून चोरण्याचा पर्यंत केला यामध्ये अर्धी पोथ ही टोटून घटनास्थळी पडली तर बाकी चोरटा एका दुचाकीवर घेऊन लंपास झाला.यावेळी चोरट्यामध्ये व फिर्यादी मध्ये झटापटी झाली ही बाब या रोडवरील दोन युवकांच्या लक्षात येताच त्यांनी चोरट्याचा पाठलाग केला मात्र चोरटा पळुन जाण्यास यशस्वी झाला.यामध्ये मीना शित्रे यांनी दिलेल्या फिर्यादी वरून अंदाजे ६० हजार किमतीची पोथ चोरीला गेल्याची तक्रार दिली असून गुन्हा दाखल करण्यात येत आहे.
तेल्हारा ठाणेदार यांना दोन दिवसात लूटमार करून चोरट्यांची सलामी*
गेल्या दोन दिवस अगोदरच तेल्हारा ठाणेदार पदी शेळके यांची बदली झाली असून पदभार स्वीकारला कारभार हाती घेत नाही तोच चोरट्यांनी लूटमार करून त्यांना एकप्रकारे सलामीच दिल्याचे बोलले जात आहे.
