पारळा येथे लाऊड स्पीकर द्वारे शिक्षण या उपक्रमाची प्रथम एज्युकेशन फाउंडेशन मुंबई संस्थेने घेतली दखल

चोहट्टा बाजार(पुर्णा खोडके)-ग्रामीण भागात अँड्रॉइड फोन सर्वांकडे उपलब्ध नसल्यामुळे तसेच covid-19 च्या काळात लाऊड स्पीकर द्वारे शिक्षण देण्याचा उपक्रम जिल्हा परिषद शाळा पारळा तालुका अकोट जिल्हा अकोला जून2020 पासून सुरू आहे.
प्रथम एज्युकेशन फौंडेशन मुंबई या संस्थे ने जिल्हा परिषद वरिष्ठ प्राथमिक शाळा पारळा पंचायत समिती अकोट येथील लाऊड स्पीकर द्वारे शिक्षण या उपक्रमाची दखल घेऊन या संस्थेचे नोडल ऑफिसर श्री सुनील इंगळे सर यांनी दिलेल्या माहितीनुसार या शाळेत इयत्ता पाचवी मध्ये शिकत असलेली विद्यार्थिनी कुमारी ईश्वरी रविंद्र चिंचोलकार या विद्यार्थिनीची शाळे बाहेरची ची शाळा या उपक्रमांतर्गत आकाशवाणी केंद्र नागपूर यांनी मुलाखतीसाठी निवड करून 53 व्या भागात प्रसारित केली आहे.
कोरोणाच्या प्रादुर्भाव काळात कोरोना वहन होऊ नये ,शाळा बंद पण शिक्षण सुरू या कार्यवाही नुसार ग्रामीण भागात अँड्रॉइड मोबाईल्स सर्वांकडे उपलब्ध नसल्यामुळे लाऊडस्पीकर द्वारे शिक्षण या उपक्रमाची निवड शाळेचे मुख्याध्यापक व उपक्रमशिल शिक्षक जयकिसन दंदे सर सहभागी शिक्षक ठाकरे सर पळसपगार सर श्री अनकुरकार सर
या उपक्रमामध्ये सहभागी आहेत.