मुर्तीजापुर (सुमित सोनोने)- स्थानिक रेल्वे स्थानकावर रात्री दोन महिलांनी आत्महत्या केल्याची घटना सकाळी उघडकीस आली. मृतकांची ओळख पटविण्याचे काम युद्धपातळीवर सुरू आहे.
सविस्तर वृत्त असे की २ ऑक्टोबर च्या रात्री ११,४५ वाजता दरम्यान 55 वर्षीय व 30 वर्षीय या दोन महिलांनी मालगाडी रेल्वे ट्रॅक वर जाऊन आत्महत्या केल्याचे समजत आहे. जीआरपी रेल्वे स्टेशन परिसरातील सीसीटीव्ही तपासून पाहिले असता दोन्ही महिला रेल्वे कॉलनी धामणगाव फैल या मार्गाने आल्याची प्राथमिक माहिती आहे. पुढील तपास ठाणेदार किरण कालवे यांच्या मार्गदर्शनाखाली रेल्वे पोलीस चौकी इंचार्ज पोलीस कॉन्स्टेबल राजु जळमकर करीत आहे. पंचनामा करून सदर दोन्ही मृतदेह वंदे मातरम् आपात्कालीन पथकाच्या माध्यमातून लक्ष्मीबाई देशमुख उपजिल्हा रुग्णालयात शवविच्छेदनासाठी शवागारात पोचविण्यात आले आहे . मृतकांची ओळख पटविण्याचे काम युद्धपातळीवर सुरू आहे.
