वाडी अदमपूर येथील २७ वर्षीय युवकाची गळफास घेऊन आत्महत्या

तेल्हारा(प्रतिनिधी)- तालुक्यातील वाडी अदमपूर येथील एका २७ वर्षीय युवकाने आत्महत्या केल्याची घटना आज पहाटे उजीडात आली.
तालुक्यातील वाडी अदमपूर येथील राहुल दिनकर खारोडे(२७)रा वाडी अदमपूर या युवकाने गावलगतच्या शेतात गळफास घेऊन आत्महत्या केल्याची घटना आज सकाळी उजीडात आली.सदर युवक हा शेतमजुरी करीत असे तसेच वडिलांकडे जेमतेम एक एकर शेती असल्याने शेतमजुरी करून घराला हातभार लावत असे मात्र काल रात्री अचानक त्याने गळफास घेतल्याचे आज लक्षात आले.राहुल याला एक मोठा भाऊ आणि एक बहीण आई वडील असा परिवार असून राहुल हा घरचा लहान मुलगा होता त्याच्या या जाण्याने गावात हळहळ व्यक्त केली जात असून नेमक्या त्याच्या मृत्यूचे कारण अद्याप समजू शकले नाही ग्रामीण रुग्णालय तेल्हारा शवविच्छेदनासाठी मृतदेह पाठवण्यात आला असून पुढील तपास बिट जमादार वासुदेव ठोबरे,पो कॉ राजेश्वर सोनोने हे करीत आहेत.