अकोला – कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 181 चाचण्यामध्ये केवळ सात जणाचा अहवाल पॉझिटिव्ह आला, अशी माहिती निवासी उपजिल्हाधिकारी संजय खडसे यांनी दिली.
आज दिवसभरात झालेल्या चाचण्या याप्रमाणे- अकोला ग्रामीण, बाळापूर व पातूर येथे चाचण्या झाला नाही. अकोट येथे 62 चाचण्या झाल्या त्यात चार पॉझिटीव्ह आले, बार्शीटाकळी येथे एक चाचण्या झाल्या त्यात कोणाचाही अहवाल पाझिटिव्ह आला नाही, तेल्हारा येथे 22 चाचण्या झाल्या त्यात कोणाचाही अहवाल आला नाही, मुर्तिजापूर येथे 31 चाचण्या झाल्या त्यात कोणाचाही अहवाल आला नाही, तसेच अकोला मनपा येथे 27 चाचण्या झाल्या त्यात तीन जणांचा अहवाल पॉझिटिव्ह आला, वैद्यकीय कर्मचाऱ्यांपैकी 36 जणांच्या चाचण्या झाल्या त्यात कोणाचाही अहवाल पॉझिटीव्ह आला नाही, शासकीय वैद्यकीय महाविद्यालयात दोन चाचण्या झाल्या त्यात कोणाचाही अहवाल पॉझिटिव्ह आला नाही, अशा प्रकारे दिवसभरात 181 जणांच्या चाचण्या झाल्या त्यात सात जणांचा अहवाल पॉझिटीव्ह आला. आतापर्यंत जिल्ह्यात 10382 चाचण्या झाल्या असून 523 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.
