पातूर : (सुनिल गाडगे) संपूर्ण देशभरात कोरोना रोगामुळे लावलेल्या ताळेबंदीदरम्यान अनेक मजूर वर्ग तसेच छोटेमोठे व्यावसायिक यांना प्रचंड अपेष्टा सहन कराव्या लागल्या. आता सुरू असलेले लॉकडाउन काही प्रमाणात शिथिल करण्यात आले असले तरीही सामान्य जनतेला अजूनही त्रास सहन करावा लागत आहे. राज्यातील एसटी सेवा बंद असल्याने ग्रामीण भागातील सामान्य जनतेचा दळण-वळण व्यवहार ठप्प झाले आहेत.त्यामुळे एसटी कर्मचाऱ्यांसह सामान्य जनतेला आर्थिक नुकसानीचा फटका बसत आहे.सामान्य जनतेच्या या समस्येकडे शासनाचे लक्ष वेधण्याकरीता व राज्यातील एसटी सेवा सुरू करण्याकरिता वंचित बहुजन आघाडी चे सर्वेसर्वा ऍड.प्रकाश आंबेडकर यांच्या नेतृत्वात राज्यभरातील एसटी बसस्थानकावर डफली बजाव आंदोलन करण्यात आले.
दरम्यान आज पातूर शहर येथे जुने बसस्थानक येथे वंचित बहुजन आघाडी पातूर तालुक्याच्या वतीने 12 ते 5 या वेळेत डफली बजाव आंदोलन करण्यात आले.त्यांनतर तहसीलदार साहेब पातूर यांना निवेदन देण्यात आले.
यावेळी वंचित बहुजन आघाडीचे तालुकाध्यक्ष निर्भय पोहरे, पं.स.सदस्य अर्चना डाबेराव,ता.प्रसिद्धी प्रमुख स्वप्निल सुरवाडे, मंगलाताई इंगळे,जी.प.सदस्य सुनील फाटकर,पं.स.सदस्य अर्जुन टप्पे, मंगेश महानकर, किरण सरदार,अनिल राठोड,राणा डाबेराव,मंगेश गवई,चरणसिंग चव्हाण,रवी उपर्वट,उमेश गवई, राजू बोरकर,शरद सुरवाडे,सुमेध हातोले, योगेश हिवराळे, निलेश हिवराळे,कृष्णा ठाकरे आदी कार्यकर्ते उपस्थित होते.
