अयोध्येत श्रीराम मंदिराच्या पार्श्वभूमीवर भाजयुमो व महाकाल मित्र मंडळाच्या वतीने दीपोस्तव

तेल्हारा (प्रतिनिधी)- अयोध्येत मर्यादा पुरुषोत्तम प्रभू श्रीराम यांच्या मंदिराच्या भूमीपूजनाच्या पार्श्वभूमीवर तेल्हाऱ्यात दीपोस्तव व महाआरती करण्यात आली.

स्थानिक जिजामाता नगर मधील गजानन मंदिराजवळ अयोध्येत प्रभू श्रीराम यांच्या मंदिराचे भूमिपूजन करण्यात आले यावेळी शहरात भाजयुमो तेल्हारा शहर व जय महाकाल मित्र मंडळाच्या वतीने अयोध्येतील श्रीराम मंदिराची प्रतिकृती असलेली रांगोळी रेखाटण्यात आली होती.तसेच शेकडो दीप लावून महाआरती करण्यात आली.यावेळी शासनाच्या नियमांचे पालन करण्यात आले होते.