अकोला,दि.14- हवामान विभाग, नागपूर यांच्या संदेशानुसार शुकवार (दि. 17) पर्यंतच्या कालावधीत जिल्ह्यामध्ये अतिवृष्टी, वारा, वादळ, विज पडणे इत्यादी नैसर्गिक आपत्ती होण्याची शक्यता वर्तविलेली आहे.
बार्शिटाकळी तालुक्यातील दगडपारवा प्रकल्पामध्ये 69.08 टक्के संचयित असुन सद्यस्थितीत एका गेट मधुन 2.50 घ.मी. प्रति सेकंद या प्रमाणे पाण्याचा विसर्ग नदीपात्रात करण्यात येत आहे. पुर्णा नदीवर असलेल्या घुंगशी बॅरेज प्रकल्पाचे पाण्याची पातळी 253.40 घ.मी. असुन सद्यस्थितीत 24.75 घ.मी.प्र.से. या प्रमाणे पाण्याचा विसर्ग पुर्णा नदीमध्ये होत आहे. तरी संबधित अधिकारी/कर्मचारी/मंडळ अधिकारी/तलाठी/ग्रामसेवक कृषी सहायक, आरोग्य विभागाचे कर्मचारी यांना आपले मुख्यालयी उपस्थित रहावे. तसेच पूरबाधित क्षेत्रातील लोकांची योग्य ती दक्षता घ्यावी असे निर्देश जिल्हाधिकारी जितेंद्र पापळकर यांनी दिले आहेत.
