राष्ट्रीय महामार्गावर अज्ञात वाहनाच्या धडकेत दुचाकीस्वार ठार

मुर्तिजापूर (सुमित सोनोने):- येथील खडकपूरा भागात राहणारे सैय्यद अशरफ सैय्यद अमीर हे शेतातून दुचाकीने घरी येत असतांना राष्ट्रीय महामार्गवर अज्ञात वाहनाने धडक दिल्याने ते गंभीर जखमी झाले. ही घटना 30 जून रोजी दुपारी 3.00 वाजताच्या दरम्यान घडली.
शेतीचे काम आटोपून आपल्या वाहनाने घरी जात असतांना सैय्यद अशरफ यांना राष्ट्रीय महामार्गवरील बुलढाणा अर्बन वेअर हाऊसजवळ अज्ञात वाहनाने जोरदार धडक दिली.यात ते गंभीर जखमी झाले.येथील उपजिल्हा रुग्णालयात उपचारार्थ दाखल करण्यात आले होते.प्रकृती चिंताजनक असल्याने त्यांना पुढील उपचारासाठी अकोला येथे नेत असतांना अनभोरानजीक त्याचा मृत्यू झाला.