लोकजागर मंचचे अध्यक्ष अनिल गावंडे यांच्या वाढदिवसानिमित्त भव्य रक्तदान शिबिर व बियाणे वाटप

तेल्हारा (प्रतिनिधी)- नेहमीच सामाजिक कार्यात अग्रेसर असणाऱ्या लोकजागर मंच या संघटनेचे संस्थापक अध्यक्ष अनिल गावंडे यांच्या वाढदिवसानिमित्त भव्य रक्तदान व बियाणे वाटपाचा कार्यक्रम आयोजित केला आहे.
तेल्हारा तालुक्यातील हिवरखेडचे भूमिपुत्र तसेच लोकजागर मंच या संघटनेच्या माध्यमातून गेल्या अनेक वर्षांपासून विविध माध्यमातून सामाजिक कार्यात अग्रेसर राहून समाजकार्य करणारे शेतकऱ्यांचे तसेच नागरिकांच्या अनेक समस्या सोडवून मदतीचा हात देणारे लोकजागर मंचचे संस्थापक अध्यक्ष अनिल गावंडे यांच्या वाढदिवसानिमित्त कोरोना या महामारीमुळे राज्यात रक्ताचा अपुरा पडलेला रक्तसाठा ह्या दृष्टीने लोकजागर मंचाच्या वतीने दि १ जुलै रोजी स्थानिक भागवत मंगल कार्यालय तेल्हारा येथे सकाळी १० वाजता भव्य रक्तदान व फळभाज्या बियाण्यांचा वाटपाचा कार्यक्रम आयोजित केला आहे.यामध्ये वाढदिवसानिमित्त आठशे शेतकऱ्यांना फळभाज्या बियाण्यांचा वाटप करण्याचा उद्देश असून कोरोनामुळे वाढदिवशी १० शेतकऱ्यांना बियाणे वाटप करण्यात येणार आहे. उर्वरित शेतकऱ्यांना शेताच्या बांधावर बियाणे पोच करण्यात येणार आहेत. तरी रक्तदान शिबिरामध्ये जास्तीत जास्त रक्तदात्यांनी सहभागी होऊन रक्तदान करावे असे आवाहन लोकजागर मंचाच्या वतीने आवाहन करण्यात आले आहे.