तेल्हारा (किशोर डांबरे)- हिंदुहृदयसम्राट बाळासाहेब ठाकरे यांच्या विचारांना अनुसरून सामाजिक कार्याचा वसा घेत कोरोना संकट समयी कुठलाही लग्नाचा इतरत्र खर्च न करता गाडेगाव येथील या शिवसैनिक युवकाचा स्वतःचा लग्न सोहळा अत्यंत साध्या पद्धतीने दहिगाव मधील श्रीनाथ वृद्धाश्रम येथील वृद्धांना मदत करून विवाह सोहळा संपन्न झाला.
गाडेगाव येथील मोहनकार कुटूंबातील चि. रतन पांडुरंग मोहनकार या युवकाने शिवसेना प्रमुख हिंदुहृदयसम्राट बाळासाहेब ठाकरे यांचे विचार जोपासत सामाजिक बांधिलकी राखत स्वतःच्या विवाह प्रसंगी एक वेगळा विचार समाजासमोर मांडला हल्ली आपण लग्न प्रसंगी नातेवाईकांना अहेर करून नाते संबंध जोपासत असतो पण ज्या वृद्ध बांधवाना स्वतःचा नातेवाईकांनी दूर सारले व त्यांच्यावर वृद्धाश्रमात राहण्याची दुर्दैवी वेळ आली आहे अश्या गरजूना कपड्याचा अहेर देऊन व वृद्धांचे आशीर्वाद घेऊन वैवाहिक जीवनाला सुरुवात करणारे चि. रतन व चि सौ.कां मुक्ताई यांच्या आगळा वेगळ्या विवाहाचे सर्वत्र कौतुक होत आहे .या नवविवाहित जोडप्याने तेल्हारा तालुक्यातील दहिगाव येथील श्रीनाथ वृद्धाश्रम येथील भेट देऊन तेथील वृद्धांना जेवण , कपड्याचा अहेर देऊन , अशिर्वाद घेतले यावेळी तेल्हारा पोलीस स्टेशनचे ठाणेदार विकास देवरे यांच्या प्रमुख उपस्थिती हा कार्यक्रम पार पडला यावेळी शिवसेना तालुका प्रमुख विजय पाटील मोहोड, जि. प.सदस्य संजय अढाऊ, माजी शहर प्रमुख पप्पूसेठ सोनटक्के ,रामाभाऊ फाटकर जिल्हा प्रवक्ते सचिन थाटे , युवासेना शहर सरचिटणीस किशोर डांबरे,अतुल घंगाळ, अक्षय गावंडे, श्याम बोर्डे ,गजानन अमृतकार,सागर भोगे,अंकुश आठवले,शैलेश ढाळे,सुजय मझोळकार,चेतन गावंडे ,दीपक पळसकार वैभव गावंडे ,अंकुश बुरघाटे,अभय गाडेकर,नितीन आखरे,प्रदीप महल्ले,धंनजय गावंडे,श्रीकांत मोहनकार, अक्षय मोहनकार, आदित्य काकड,प्रसाद वाकोडे,अभिषेक मोहनकार, प्रणव कड,यांच्या सह मोहनकार कुटुंब व शिवसेना युवासेनेचे पदाधिकारी व शिवसैनिक उपस्थित होते.
