अकोला(प्रतिनिधी)- नेहमी आपल्या सोबत राहणारी सावली २३ मे रोजी दुपारी काही काळासाठी आपली साथ सोडणार आहे.
जिल्हयात आज शून्य सावलीची वेळ १२.१८ मिनिटांनी राहील. लॉकडाउनच्या काळात प्रत्येक आकाशप्रेमींनी हा अनुभव आपल्या अंगणातून व छतावरून घ्यावा, असाच अनुभव अकोला, बाळापूर, मूर्तिजापूर येथेही घेता येईल. २२ मे रोजी पातूर परिसर व २४ मे रोजी तेल्हारा व अकोट परिसरातूनही शून्य सावली अनुभवता येईल. यासाठी एखादा पाइपचा तुकडा किंवा पावडरचा उंच डबा वा भरणीचा वापर करता येईल. खगोलप्रेमींनी शून्य सावलीचा विरंगुळा म्हणून आनंद घ्यावा, असे आवाहन खगोल अभ्यासक यांनी केले आहे. महाराष्ट्रात दक्षिण भागातील सुरू झालेला हा उत्सव ३ मे ते ३१ मेपर्यंत अनुभवता येईल, अशी माहिती खगोल अभ्यासक यांनी दिली.
