छत्रपती संभाजीराजे जयंतीनिमित्त मनीष कराळे मित्रपरिवारातर्फे प्रभाग क्रं.७ मध्ये गरजूंना धान्य वाटप

आकोट( शिवा मगर): १४ मे स्वराज्यरक्षक छत्रपती संभाजी राजे यांची जयंती दरवर्षी खूप मोठ्या स्तरावर संपुर्ण महाराष्ट्राभर साजरी केली जाते.त्यामध्ये नगरसेवक शिवसेना गटनेते मनीष रामाभाऊ कराळे मित्र परिवाराच्या वतीने सुद्धा अभिवादन प्रबोधन तसेच इतर सामाजिक उपक्रम राबवून दरवर्षी जयंती साजरी होत असते.परंतु यावर्षी कोरोना या जागतिक संकटामुळे सर्व उत्सव कार्यक्रम हे आपण आपल्या घरातून साजरे करत आहो.आज संपुर्ण जग हे आर्थिक संकटात सापडलेल असून त्यात मजूर वर्ग,गोरगरीब जनता यांना रोजगार नसल्याने या संकटाचा कठीण सामना करावा लागत आहे.अश्या परिस्थितीत शासन हे आपल्या स्तरावर काळजी घेत आहे परंतु त्यात आणखी मदतीची भर पडावी या करिता आज छत्रपती संभाजी राजे जयंतीनिमित्त प्रभाग क्रमांक ७ मध्ये मनीष रामाभाऊ कराळे मित्र परिवाराच्या वतीने गोरगरीब गरजू लोकांना धान्य वाटून जयंती साजरी करण्यात आली यावेळी नगरसेवक शिवसेना गटनेते मनीष कराळे,अरविंद मर्दाने,विशाल कोडापे,रुपेश शेंडे,माया पालेकर,तेजस पालेकर,सुधाकर पुंडकर हे उपस्थित होते.