अकोला, दि.१२ – राज्याचे जलसंपदा व लाभक्षेत्र विकास, महिला व बालविकास इतर मागासवर्ग, सामाजिक व शैक्षणिक मागास प्रवर्ग, विमुक्त जाती,भटक्या जमाती आणि विशेष मागास प्रवर्ग कल्याण, शालेय शिक्षण, महिला व बालविकास कामगार राज्यमंत्री तथा अकोला जिल्ह्याचे पालकमंत्री ना. ओमप्रकाश उर्फ बच्चू कडू यांनी मुर्तिजापूर येथील लक्ष्मीबाई देशमुख उपजिल्हा रूग्णालय येथे भेट देवून कोरोना विलगीकरण कक्ष व कोरोना कक्षाला भेट दिली.
यावेळी कोरोना विलगीकरण मध्ये असलेल्या व्यक्तीची भेट घेवून त्यांची विचारपुस करून त्यांना धीर दिला. यावेळी उपजिल्हा रूग्णालयाचे वैद्यकीय अधिक्षक डॉ.राजेंद्र नेमाणे, डॉ. विजय वाडेकर, डॉ. धनंजय चिमनकर व विलगीकरण, वार्ड इंचार्ज हर्षा मानेकर तसेच मुर्तिजापुरचे उपविभागीय अधिकारी अभयसिंह मोहिते यांची उपस्थिती होती. कोरोना बाधितांच्या उपचाराची सुविधा म्हणून उपजिल्हा रूग्णालय पुर्णत: सज्ज असावे, त्यासाठी त्यांनी पाहणी केली.
रूग्णालयात उपचारासाठी येणाऱ्या प्रत्येक रूग्णाला सौजन्याची वागणूक देवून त्यांच्या मनातली भिती घालवण्याच्या सल्ला पालकमंत्री ना.कडू यांनी उपस्थित वैद्यकीय अधिकारी व कर्मचारी यांना दिला. त्यांनी यावेळी उपजिल्हा रूग्णालयाची पाहणी करून रूग्णाची आस्थेने विचारपूस करून त्यांना धैर्य दिले.
अधिक वाचा: बाळापूर पोलीस स्टेशनच्या अंतर्गत जुगार अड्डे जोमात
