कोरोनाविरूद्ध लढण्यासाठी आता बॉलिवुडकरांनी एकत्र येत एक व्हिडिओ सॉन्ग रिलीज केलं आहे. अवघ्या काही तासांतच या गाण्याला ६ लाखांहून अधिक व्ह्यूज मिळाले आहेत. नागरिकांचे मनोधैर्य वाढवणाऱ्या या व्हिडिओचे कौतुक खुद्द पंतप्रधान नरेंद्र मोदींनी केले आहे.
केप ऑफ गुड फिल्म्स आणि जे जस्ट म्यूझिकसोबत मिळून विशाल मिश्राने एक मोटिवेशनल सॉन्ग तयार केलं आहे. त्याचे नाव आहे- ‘मुस्कुराएगा इंडिया’. या व्हिडिओमध्ये अनेक दिग्गज कलाकार दिसत आहेत. विशेष म्हणजे, हे व्हिडिओ सर्व सेलिब्रिटींनी आपल्या घरामध्ये शूट केलं आहे. व्हिडिओमध्ये अक्षय कुमार, जॅकी भगनानी, कार्तिक आर्यन, टायगर श्रॉफ, आयुष्मान खुराना, कृती सेनॉन, भूमी पेडणेकर, राजकुमार राव, विकी कौशल, कियारा आडवाणी, तापसी पन्नू, सिद्धार्थ मल्होत्रा, रकुल प्रीत सिंह, अनन्या पांडे, आरजे मलिष्का आणि शिखर धवन दिसत आहेत.
