शेगाव(प्रतिनिधी)- आज श्री संत गजानन महाराज प्रकट दिन सोहळा आहे. शेगावच्या संस्थान च्यावतीने ‘श्रीं’ चा 142 वा प्रगट दिन साजरा केला जात आहे. आजचा दिवस लाखो भाविकांच्या उपस्थितीत भक्तीभाव व उत्साही वातावरणात साजरा होत आहे. या प्रकट दिनानिमित्त 9 फेब्रुवारीपासूनच शेगावात उत्सवाला सुरुवात झाली होती. उत्सवात सहभागी होण्यासाठी राज्यभरातील 1227 दिंड्या शेगावात दाखल झाल्या आहेत. भाविकांचीही सकाळपासूनच शेंगावात रीघ लागली आहे.
विदर्भाची पंढरी म्हणून ओळखल्या जाणाऱ्या शेगावात श्रींच्या प्रकट दिनानिमित्त संस्थानच्यावतीने 9 फेब्रुवारीपासून विविध कार्यक्रमांचे आयोजन करण्यात आले होते. यामध्ये काकड आरती, भजन, प्रवचन, हरिपाठ, कीर्तन असे दैनिक कार्यक्रम उत्साही वातावरणात साजरे करण्यात आले. आज सकाळी श्रींच्या प्रगट दिना निमित्त कीर्तन होईल. त्यानंतर सकाळी 10 वाजता यज्ञाची पूर्णाहूती होईल. दुपारी दोन वाजता श्रींच्या पालखीची रथ, मेणा, गज, अश्‍वासह नगर परिक्रमा निघेल. यानंतर 16 फेब्रुवारी रोजी काल्याचे कीर्तन होऊन उत्सवाची समाप्ती होणार आहे.
दरम्यान, मंदिर परिसरात भाविकांची मोठी गर्दी होत आहे. मंदिराकडे जाणारा रस्ता एकेरी करण्यात आला आहे. त्यात दर्शनबारी व श्री मुख दर्शनबारी, महाप्रसाद, श्रींचा पारायण मंडप, श्रींची गादी, पलंग तसेच औदुंबर दर्शनाची व्यवस्था करण्यात आली आहे. श्रींच्या मंदिरावर आकर्षक विद्युत रोषणाई आणि मंदिर परिसर केळीच्या खांबांनी सजवण्यात आला आहे. भक्तांच्या सोयीसाठी संस्थानच्यावतीने सर्वतोपरी सोयीसुविधा उपलब्ध करून दिल्या आहेत. सेवाधारी वर्ग आपली सेवा पूर्ण करीत आहे.
ताज्या घडामोडींसाठी अवर अकोला न्युज ला भेट द्या
जाहिरात व बातम्यांकरिता-9922390308
व्हॉट्सअ‍ॅपवर ताज्या घडामोडी मिळवण्यासाठी Subscribe करा
व्हॉट्सअ‍ॅपवर बातम्या मिळवण्याकरीता 9765123455 हा नंबर तुमच्या
मोबईलमध्ये अवर अकोला या नावाने सेव्ह करा आणि खालील लिंकवर
क्लिक करून व्हॉट्सअ‍ॅप ग्रुप जॅाईन करा.
https://chat.whatsapp.com/JCHDKTxXxij4HRgrZwmzu8
