पातूर (सुनिल गाडगे ): साप म्हटले कि.. मनात धस $.. होते.. जीव पाणी -पाणी होतो काय करावे सुचत नाही.. घरातील महिलांना हार्ट अटॅक यावा अशी स्थिती निर्माण होते.
परंतु या भागात सापाची भीती नाहीशी करणारा खरा सेवाभावी निर्भीड युवक सर्पमित्र म्हणून समोर आला आहे याचे कौतुक करावे तेवढं कमीच आहे.
अत्यंत सामान्य कुटुंबात जन्माला आलेला हा स्वप्नील गेल्या दहा वर्षा पासून ही सेवा निशुल्क देत आहे.
सर्व सामान्य कुणीही फोन केला तर स्वप्नील धावून जातो आणि ग्रामस्थ यांच्या मनातील भीती दूर करतो.
शुक्रवारी सायंकाळी पाच वाजता श्री. दाभाडे यांच्या घरी “मण्यार ” हा साप निघाला हा साडे तीन फूट असला तरी तो विषारी असल्यामुळे दाभाडे यांच्या घरात थरकाप उडाला हा चॉकलेट कलर चा दुर्मिळ साप असल्यामुळे अधिकच भीती वाटत होती.
परंतू स्वप्नील याला एक कॉल आला आणि स्वप्नील याने दाभाडे यांच्या घरी धाव घेऊन स्वतःचे कसब वापरून या सापाला पकडून जीवन दान तर दिलेच शिवाय या भागातील साप बद्दल ची भीती नाहीशी केली तर सकाळी सामाजिक वनीकरण कार्यालयात 11:45 वाजता कोब्रा जातीचा विषारी साप निघाला या सापाची भीती कर्मचारी लोकांना धास्ती निर्माण करून गेली यावेळी सुद्धा स्वप्नील ला एक फोन कार्यालयातुन आला आणि क्षणाचाही विलंब न लावता स्वप्नील तेथे घटना स्थळी पोहोचला आणि “कोब्रा “या जातीचा विषारी साप पकडून कर्मचारी लोकांची भीती दूर केली.
पातूर येथील सुप्रसिद्ध दिव्या मोबाईल गॅलरी येथे स्वप्नील च्या सेवा भावी कार्याचे अभिनंदन करण्यात आले.
यावेळी दिव्या मोबाईल गॅलरी चे संचालक संजय बंड, रेणुका एंटर प्राईजसचे विशाल वाढी,सिटी लँड चे कुरिअर चे विशाल बीडवाले आदीसह इतर वन्य जीव प्रेमिची उपस्थिती होती.
साप माणसाचा शत्रू नाही स्वप्नील सुरवाडे
कुठलाही मुकप्राणी हा माणसाला इजा जाणून बुजून देत नाही. साप च्या जातींचे सुद्धा तेच वैशिष्ट्ये आहे तेव्हा साप हा माणसाचा शत्रू नसून मित्र आहे म्हणून त्याला कुणीही मारू नये त्याला जीवन दान द्यावे किंवा मला एक कॉल करून माहिती द्यावी जेणेकरून सापाची भीती दूर करता येईल असे आवाहन सर्पमित्र स्वप्नील सुरवाडे यांनी प्रस्तुत प्रतिनिधीशी बोलतांना केले.
