मूर्तिजापूर मतदारसंघात बंडोबासह साथ उमेदवारांनी घेतली निवडणूक रिंगणातून माघार

मूर्तिजापूर(प्रतिनिधी)- मुर्तीजापुर विधानसभा मतदारसंघात निवडणुकीत पक्षाचे तिकीट न मिळालेल्या उमेदवारांनी बंडाचा झेंडा फडकवला होता मात्र आज उमेदवारी अर्ज मागे घेणाचा शेवटचा दिवस असल्याने २३ पैकी आज ९ उमेदवारांनी आपला उमेदवारी अर्ज मागे घेतला असून यात शिवसेनेचे महादेवराव गवळे वंचित चे सम्राट डोंगरदिवे यांच्या सह ७ उमेदवारांनी आपला अर्ज मागे घेतला आहे. यात तुशर दाभाडे,दयाराम घोडे,धनराज खिराडे,बाबूलाल इंगळे,रामेश्वर जामनिक,शरद गवई,सुरेश गोपकर अशी नावे आहेत.तर भाजपचे बंडखोर उमेदवार राजू नाचणे हे आपल्या प्रहार पक्षाकडून तटस्थ असल्याने याचा फटका भाजपा उमेदवाराला बसेल काय? राष्ट्रवादीकडून रवी राठी यांना उमेदवारी जाहीर झाल्याने राष्ट्रवादीत अंतर्गत गटबाजी दिसून आली होती मात्र आता दोन उमेदवारांनी आपला अर्ज मागे घेतला असल्याने राष्ट्रवादी गटात आनंदाचे वातावरण निर्माण झाले आहे.तर रवी राठी हे रुसलेल्या कार्यकर्त्यांना कसे जवळीक करतील ते येणाऱ्या दिवसात समोर येईल.