शेतात काम करणाऱ्या शेतकऱ्या वर रानडुकराचा हल्ला

खिरपुरी बु (श्याम बहुरूपे): दि.२४ येथील श्री. अंकुश पाटील दांदळे यांच्या शेतात काही मजूर सोयाबीन मधील अडाण काढण्यासाठी गेले असता अडाण काढत असता श्री. गणेश संतोष बारस्कर यांना सुसाट धावत येणाऱ्या रानडुकराणी जोरदार धडक मारली. त्यावेळी ते जागीच कोसळले. त्यांना उर्वरित मजुरांनी बैलगाडीमध्ये टाकून गावामध्ये आणले व शासकीय रुग्णालयात उपचारासाठी भरती करण्यात आले. परिसरामध्ये याआधी सुद्धा जंगली जनावरांच्या हल्ल्यामुळे अनेक शेतकऱ्यांना व शेतमजुरांवर अनेक गंभीर स्वरूपाचे हल्ले झालेलं आहेत. त्यामुळे स्थानिक शेतकरी व शेतमजुरांमध्ये भीतीचे वातावरण पसरलेले आहे. याकडे वनविभागाने लक्ष देण्याची विनंती शेतकरी करीत आहेत.