ब्रेकिंग – बहुचर्चित तेल्हारा येथील ९ वर्षीय चिमुकलीच्या अपहरण प्रकरणातील आरोपी अटकेत,गुन्ह्याची दिली कबुली

तेल्हारा(प्रतिनिधी)- तेल्हारा येथील ९ वर्षीय चिमुकलीचे स्थानिक कृषी उत्पन्न बाजार समितीच्या मार्केट यार्ड समोरून अपहरण करण्यात आले होते अपहरणात वापरलेली मोटारसायकल दि २ ऑगस्ट रोजी वाडेगाव ता बाळापूर येथून तेल्हारा पोलिसांनी जप्त केली होती त्यानंतर लगेच काल रात्री आरोपीला बेलुरा येथून तेल्हारा पोलिसांनी ताब्यात घेतले.
पोलीस सूत्रांकडून मिळालेल्या माहिती नुसार स्थानिक साई मंदिर परिसरात राहणारी ९ वर्षीय चिमुकलीचे अपहरण दि १४ ऑगस्ट रोजी करण्यात आले होते सदर चिमुकलीला अफरकर्त्याने पाथर्डी येथील नदी पुलाखाली घेऊन गेला होता.त्यानंतर सदर चिमुकलीने प्रसंगावधान राखत तिथून पळ काढून रस्त्याने पळत सुटली होती तिथून जाणाऱ्या काही वाहनधारकांना सदर चिमुकली दिसल्याने त्यांनी विचारपूस करीत तिला तिच्या घरच्यांच्या स्वाधीन केले.त्यानंतर चिमुकलीच्या वडिलांनी तेल्हारा पोलिसांना याबाबत माहिती देऊन तक्रार दाखल केली होती.याप्रकरणी तेल्हारा पोलिसांनी अपहरणाचा गुन्हा दाखल करून वैद्यकीय तपासणीनंतर कलम ३७६ सहकलम ३,४ पॉस्को अंतर्गत गुन्हा दाखल करण्यात आला होता. याप्रकरणी बारकाईने शोध मोहीम राबवली असता जवळपास १५ दिवसांनी अपहरण कर्त्याने वापरलेली मोटारसायकल पोलिसांनी दि २ सप्टेंबर रोजी वाडेगाव ता बाळापूर येथून जप्त केली होती. या प्रकरणातील अपहरणकर्ता व बलात्कारातील आरोपी चंदू गोविंदा कुकडे(५०)रा रानेगाव ता तेल्हारा ह मु बेलुरा ता पातुर याचा तेल्हारा पोलिस शोध घेत असता काल दि ३ सप्टेंबर च्या रात्री तेल्हारा पोलिसांना मिळालेल्या गुप्त माहितीवरून सापळा रचून आरोपीला बेलुरा येथून अटक करण्यात आली असून आरोपीने पोलिसांना सदर गुन्हा केल्याची कबुली दिली आहे. सदर कारवाई ठाणेदार विकास देवरे यांच्या नेतृत्वाखाली पोलीस उपनिरीक्षक निलेश देशमुख ,पो कॉ राजू इंगळे,अमोल नंदाने यांनी केली.