अकोला शहरात महावितरण कडून विद्युत खांबावरील फलके काढण्याच्या कारवाईला सुरुवात,७१२ फलक काढली

अकोला(प्रतिनिधी)- विदयुत खांब व इतर विदयुत यंत्रणेवर अनधिकृतपणे लावलेले फ्लेक्स व होर्डीग्स काढण्याचे आवाहन करून कारवाई करण्याचा इशारा महावितरणने दिला होता. त्यानुसार आज अकोला शहरातील मुख्य रस्त्यावरील अनेक भागात ही फलके काढण्याच्या मोहिमेला आज मंगळवारी सुरुवात करण्यात आली. यामध्ये जवळपास ७१२ फलके काढण्यात आली. टप्याटप्याने शहरासह जिल्ह्यात ही मोहीम राबविल्या जाणार आहे.

आज सकाळपासून या मोहिमेला सुरुवात करण्यात आली. यामध्ये उपविभाग क्रमांक १ मध्ये २१९,उपविभाग क्रमांक २ मध्ये २४३ आणि उपविभाग क्रमांक३ मध्ये २५० असे एकूण शहर विभागामध्ये एकूण ७१२ फ्लेक्स व बॅनर्स काढण्यात आली.अकोला शहरासह जिल्ह्यात महावितरणच्या विदयुत खांब, वितरण पेटी, डीपी, रोहीत्राजवळ अनेक फलक, पत्रके, फ्लक्स व बॅनर्स अनधिकृतपणे ठिकठिकाणी लावलेले आढळून येतात. त्यामुळे विदयुत यंत्रणेवर महावितरणच्या कर्मचा-यांना काम करताना अडथळा निर्माण होत असून अपघाताची शक्यता सुद्धा नाकारता येत नाही. त्यामुळे संबधितानी सदर फ्लेक्स वा साहित्य स्वत:च काढून टाकावे अन्यथा महावितरण कंपनी सदर साहित्य काढून कारवाई करणार असा इशारा महावितरण कंपनीने दिला होता.

महावितरण कंपनीचे जिल्ह्यात शहरासह वीज पुरवठा करण्यासाठी ग्रामीण भागात विदयुत वितरण यंत्रणेचे मोठे जाळे असून खांब, वाहिन्या, रोहित्र वितरण पेटया आहेत. मात्र अनेक व्यावसायिक, संस्था, जाहीरातदार अनधिकृतपणे यावर फ्लेक्स बॅनर्स, होर्डीग्स लावतात. हे लावणे बेकायदेशीर असून सोबत विदयुत अपघातास आमंत्रण देणार सुद्धा आहे. महावितरणचे तांत्रिक कर्मचारी देखभाल दुरुस्तीची कामे करीत असताना अडथळा निर्माण होतो व अपघात सुद्धा होऊ शकतो.

यापुढे सदर साहित्यामुळे महावितरण कर्मचा-यांना विदयुत अपघात झाला तर संबंधिताना जबाबदार धरण्यात येईल. तरी विदयुत खांब, वितरण पेटी, डीपी, रोहीत्राजवळ फलक, पत्रके, फ्लेक्स, बॅनर्स वा कुठलेही प्रचार साहित्य अनधिकृतपणे लावू नये त्यामुळे विदयुत पुरवठा खंडित होण्याबरोबर विदयुत अपघाताची शक्यता नाकारता येत नाही असे आवाहन महावितरणने केले आहे. ही मोहीम मुख्य अभियंता अनिल डोये व अधिक्षक अभियंता पवनकुमार कछोट यांच्या मार्गदर्शनाखाली कार्यकारी अभियंता प्रशांत दाणी यांचे नेतृवाखाली अतिरिक्त कार्यकारी अभियंते, सहाय्यक अभियंते व जनमित्र यांनी पार पाडली.

अधिक वाचा : तेल्हारा येथे अकोला जिल्हा युवक काँग्रेसतर्फे गुणवंत विद्यार्थी सोहळा व करिअर मार्गदर्शन

अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.

अवर अकोला ला फेसबुक वर लाईक करा – www.facebook.com/OurAkolaMedia

अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks

अवर अकोला ला ट्विटरवर फॉलो करा – https://twitter.com/ourakola

अवर अकोला ला इन्स्टाग्रामवर फॉलो करा – www.instagram.com/OurAkola