संभाजी महाराज जयंती निमित्त तेल्हारा येथे शिवव्याख्याते सचिन थाटे यांचे जाहीर व्याख्यान

तेल्हारा (प्रतिनिधी)- धर्मवीर संभाजी मंडळाच्या वतीने संभाजी महाराज जयंती निमित्त 13 मे ला संभाजी चौक तेल्हारा येथे रात्री 7.30 वाजता शिव व्याख्याते प्रा.सचीन थाटे यांच्या जाहीर व्याख्यानाच्या कार्यक्रमाचे व 14 मे ला शोभायात्रेचे आयोजन करण्यात आले आहे . धर्मवीर संभाजी महाराजांच्या महान पराक्रमाची माहिती व त्यांच्या बलिदानाचे मोल नव्या पिढीस माहिती होण्यासाठी व संभाजी महाराजांच्या कार्यास मानवंदना देण्यासाठी दरवर्षी प्रमाणे या वर्षी सुद्धा धर्मवीर संभाजी महाराज जयंती संभाजी मंडळाच्या वतीने जयंती उत्सवाच्या कार्यक्रमाचे आयोजन करण्यात आले आहे सोमवार दि 13 मे ला रात्री7.30 वाजता संभाजी चौका मध्ये शिव व्याख्याते प्रा.सचिन थाटे यांच्या जाहीर व्याख्यांनाचा कार्यक्रम आयोजित केला आहे तर 14 मे ला शहरातील मुख्य मार्गाने भव्य शोभायात्रेचे आयोजन करण्यात आले आहे तरी या कार्यक्रमा मध्ये सर्वांनी सहभागी व्हावे असे आवाहन धर्मवीर संभाजी मंडळाच्या वतीने करण्यात आले आहे