अकोला(प्रतिनिधी) – सार्वजनिक न्यास नोंदणी कार्यालय व सहाय्यक संस्था निबंधक यांच्या कार्यालयात व्यावसायिकाचा अज्ञात मारेकऱ्यांनी खून केला. ही अकोला येथे घडली आहे. किसनराव हुंडीवाले असे मृत व्यावसायिकाचे नाव आहे. विशेष म्हणजे आग विझवण्याच्या छोट्या सिलेंडरचे वार करुन हुंडीवाले यांचा खून करण्यात आला आहे.
व्यवसायिक किसन हुंडीवाले हे आज दुपारी साडेबारा वाजता सार्वजनिक न्यास नोंदणी कार्यालय व सहाय्यक संस्था निबंधक यांच्या कार्यालयात होते. यावेळी अज्ञात मारेकऱ्यांनी त्यांच्यावर लाकडी फर्निचर व आग विझवण्यासाठी वापरण्यात येणाऱ्या सिलेंडरने घाव घालून खून करण्यात आला आहे. या घटनेनंतर कार्यालयातील कर्मचारी, अधिकारी पसार झाले आहेत.
विशेष म्हणजे हे कार्यालय पोलीस अधीक्षकांच्या निवासस्थानापासून शंभर मीटर अंतराच्या आत आहे. या घटनेमुळे व्यापारी क्षेत्रातच नव्हे, तर जिल्ह्यात खळबळ उडाली आहे. या घटनेतील हल्लेखोर अजून फरार असून त्यांना कोणी मारले या संदर्भात अजूनही माहिती नाही. दरम्यान, घटनास्थळावर पोलिसांचा ताफा मोठ्या प्रमाणात दाखल झाला आहे. रस्त्यावर आणि कार्यालयाच्या बाजूला नागरिकांची मोठी गर्दी झाली आहे.
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
