अकोला (प्रतिनिधी) : न्यू तापडिया नगरातील पवन नगरीत एका घरात घुसून तीन गुंडांनी धुडगूस घातला, या वेळी त्यांनी घरासमोर उभ्या असलेल्या कारच्या काचा फोडून दहशत माजवली व कारमधील चार लाख रुपये लंपास केले. ही घटना रविवारी रात्रीच्या सुमारास घडली. रात्री उशिरा सिव्हिल लाईन पोलिस ठाण्यात गुन्हा दाखल करण्याची प्रक्रिया सुरू होती. तीनही चोरटे सीसीटीव्ही कॅमेऱ्यात कैद झाले आहेत.
हेमंत भगीरथ मिश्रा हे एचडीएफसी फायनान्स मध्ये वसुली एजन्सी चालवतात. फायनान्स घेतलेले कर्ज वसुलीचा त्यांचा व्यवसाय आहे. रविवारी रात्री ते घरी नसताना तिघे जण त्यांच्या घरी आले. घराचे गेट बंद असल्याने एकाने गेटवरून उडी टाकली. यावेळी घरातून महिलेचा आवाज आला असता दुसऱ्याने दारातील फरशी काढून कारच्या काचेवर मारली. तर तिसऱ्याने कारमधील तीन ते चार लाख रुपये असलेली रक्कम काढून घेतली व तिघेही पळून गेले. तिघांचेही कृत्य सीसीटीव्ही कॅमेरा कैद झाले आहे. घटनेची माहिती सिव्हिल लाइन पोलिसांना देण्यात आल्यानंतर पोलिस तत्काळ घटनास्थळी पोहोचले. या वेळी पोलिसांनी सीसीटीव्ही कॅमेरे तपासले असता त्यामध्ये दोन तडीपार केलेल्या आरोपींचा सहभाग असल्याचे समोर आले आहे. रविवारी रात्री उशिरा या प्रकरणी गुन्हा दाखल करण्याची प्रक्रिया सुरू होती. पोलिस गुंडांचा शोध घेत आहेत.
अधिक वाचा : पातूर नगर परिषद मध्ये महिला कर्मचारीला शिवीगाळ आणि मारण्याची धमकी; पोलिसात गुन्हा दाखल
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
