पातूर (प्रतिनिधी) : राष्टीय मतदार दिनानिमित्त मतदानाविषयी मतदारांमध्ये जनजागृती करण्यासाठी पातूरचे तहसिलदार मा.रामेश्वर पुरी साहेब यांच्या आदेशान्वये आंतर शालेय वक्तृत्व स्पर्धेचे आयोजन स्थानिक वसंतराव नाईक विद्यालय व विज्ञान कनिष्ठ महावीद्यालय पातूर येथे नुकतेच करण्यात आले. या कार्यक्रमाच्या अध्यक्षस्थानी महाविद्यालयाचे प्राचार्य एस.एम.सौंदळे होते तसेच प्रमूख पाहुणे म्हणून ,पी.जे.राठोड प्रा.जे.डी.भारस्कर ,अनिल सोनटक्के,एम.के.राठोड, शांताराम जाधव आदी मान्यवर उपस्थित होते.ही स्पर्धा “अ” गट वर्ग 5 ते 10 व “ब”गट वर्ग 11 व 12 असे दोन गटात संपन्न झाली.”अ” गटात प्रथम क्रमांक कु.अश्मी सचिन पवार ,तु .का.विद्यालय पातूर हिने पटकाविला व द्वितीय क्रमांक आसीफ खाँ अफसर खाँ पठाण, सावंत विद्यालय शिर्ला याने मिळविला तर “ब” गटातून प्रथम क्रमांक मो.राफेउद्दीन मो.जुबेरोद्दीन, शहाबाबू उर्दु.कनिष्ठ महाविद्यालय पातूर याने पटकाविला तसेच द्वितीय क्रमांक कु.रेवती अनिल घोरे, वसंतराव नाईक कनिष्ठ महाविद्यालय पातूर हिने प्राप्त केला.या स्पर्धेकरीता परिक्षक म्हणुन प्रा.ज्ञानेश्वर उंबरकार,प्रा.पठाण व पी.जे.राठोड आदींनी काम पाहीले.या स्पर्धेमधील सर्व यशस्वी विद्यार्थ्यांना मान्यवरांच्या बक्षिस देवून गौरविण्यात आले, कार्यक्रमाचे उत्कृष्ठ संचालन प्रा.एस.टी.गाडगे यांनी केले तर आभारप्रदर्शन एम.के.राठोड या कार्यक्रमाच्या यशस्वीतेकरीता वसंतराव नाईक विद्यायातील सर्व शिक्षक व शिक्षकेतर कर्मचार्यानी अथक परिश्रम घेतले.या कार्यक्रमाला बहुसंख्य विद्यार्थी व पालक उपस्थित होते.

अधिक वाचा : स्व. बाळासाहेब ठाकरे यांच्या जयंती निमीत्य जि.प.प्रा.मुंलाची शाळा पिंजर येथे चित्रकला रंगभरण स्पर्धा

No Result