अकोला (प्रतिनिधी) : जिल्ह्यात दोन वेगवेगळ्या अपघातात ७ जण जखमी झाल्याची घटना घडली. पहिला अपघात बाळापूर जवळील राष्ट्रीय महामार्गावर घडला. यात दुचाकीवरील दोघे जण जखमी झाले. तर दुसरा अपघात गांधीग्राम येथे घडला. ट्रॅक्टरने २ दुचाकींना धडक दिल्याने पाच जण जखमी झाले. अपघातानंतर ट्रॅक्टर चालक पसार झाला.
अकोला शहरातून परीक्षा देऊन शुभम सोनोने, किरण मेश्राम आणि रितिका पुसाम हे दुचाकीने परतत होते. त्यांच्या पाठीमागून शंकरलाल मिरतकर आणि दुर्गा राजू गायकवाड हेही दुचाकीवरून जात होते. समोरून येणाऱ्या ट्रॅक्टरने या दोन्ही दुचाकीला गांधीग्रामच्या पुलावर धडक दिली. या धडकेत शुभम सोनोने हा दुचाकीवरून थेट पुलाच्या खाली पडला. तर त्याच्यामागे बसलेल्या किरण मेश्रामच्या पायाला गंभीर दुखापत झाली. तर रितिकाही किरकोळ जखमी झाली.
दुसरा अपघात बाळापूर राष्ट्रीय महामार्गावर झाला. या अपघातात किशोर नारायण माहोरे हा गंभीर जखमी झाला. या सर्वांना उपचारासाठी रुग्णालयात दाखल करण्यात आले. तर या अपघातातील दुसरा किरकोळ जखमी असल्याने त्यांच्यावर बाळापूर येथे उपचार करण्यात आले. दोन्ही अपघातानंतर रस्त्यावर वाहतुकीची कोंडी झाली होती.
अधिक वाचा : पत्नीने पतीवर केला कुऱ्हाडीने हल्ला; गुन्हा दाखल
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
