अकोला (प्रतिनिधी): अकोला महानगरपालिकेच्या स्थायी समिती सभागृह येथे अकोला महानगरपालिका क्षेत्रामध्ये दैनंदिन निघणारा घनकचरा विलगीकरण करण्यासंदर्भात पूर्व झोन कार्यालय कचरा घंटा गाडीचे चालक यांच्यासाठी बैठकीचे आयोजन करण्यात आले होते. यात त्यांना मार्गदर्शन करण्यात आले.
यावेळी बोलताना श्री श्री रुरल डेव्हलपमेंट ट्रस्ट बंगलुरुचे मनोज शर्मा म्हणाले, अकोला महागनरपालिका पूर्व क्षेत्रांतर्गत दैनंदिन निघणा-या कच-याची विल्हेवाट लावण्याकरिता उमरी येथील प्रभाग क्रमांक ४ मध्ये कचरा संकलन केंद्राची उभारणी करण्यात आली असून प्रत्येक कचरा घंटागाडी सोबत ट्रस्टकडून एक कर्मचारी देण्यात येणार आहे.
कचरा जागीच वेगवेगळा गोळा करुन सुका कचरा उमरी येथील संकलन केंद्र येथे आणणार आहे. ओला कचरा खतनिर्मितीकरिता मुख्य कचरा संकलन केंद्र येथे पाठविण्यात येणार आहे. यासाठी कचरा संकलन करणाऱ्यांनी आपल्या गाडीत ओला व सुका कचरा वेगवेगळाच गोळा करावा. तसेच श्री श्री रुरल डेव्हलपमेंट ट्रस्ट बंगलुरुचे कार्यकर्ते शहरात घरोघरी जाऊन ओला कचरा व सुका कचरा वेगवेगळा गोळा करणे संदर्भात जनजागृती करणार असल्याचे त्यांनी सांगितले.
या बैठकीमध्ये क्षेत्रीय अधिकारी अनिल बिडवे, आरोग्य विभाग प्रमुख प्रशांत राजूरकर, श्री श्री रुरल डेव्हलपमेंट ट्रस्टचे स्वामी किशोर खोले तसेच पूर्व क्षेत्र अंतर्गत कचरा घंटा गाडीचे चालक यांची उपस्थिती होती.
अधिक वाचा : इंडिका कार मधून गायींची निर्दयपणे वाहतूक-गुन्हा दाखल!अकोट ग्रामीण पोलिसांची कारवाई
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola