अकोला (प्रतिनिधी) : ‘रोजगारक्षम शेती व्यवसाय’ या सदराखाली शेतकरी हा ‘स्मार्ट उद्योजक’ हा उपक्रम जिल्ह्यात प्रभावीपणे राबविण्यासाठी जिल्ह्यातील शेतकऱ्यांकरिता प्रत्येक बुधवारी जिल्हा प्रशासनाकडून साप्ताहिक मुक्त कार्यशाळा आयोजीत करण्यात येत आहे.
आगामी बुधवार, दि. 19 डिसेंबर 2018 रोजी सकाळी 11.00 वाजता जिल्हाधिकारी कार्यालयाच्या नियोजन सभागृहात आयोजित कार्यशाळेत रेशीम शेती व रेशीम उदयोग या विषयावर मार्गदर्शन केले जाणार आहे. या कार्यशाळेमध्ये अकोला जिल्ह्यातील रेशीम शेती व शेती पूरक रेशीम उदयोग यामधील प्रगतीशील शेतकरी संवादाच्या माध्यमातून मार्गदर्शन करणार आहेत.
तसेच अभियानातंर्गत उक्त कार्यशाळेमध्ये शेती पुरक व्यवसाय सुरु करणाऱ्या शेतकऱ्यांकरीता शासनाच्या विविध योजनांबाबतची माहिती देखील उपलब्ध करुन देण्यात येणार आहे. तसेच शेतकऱ्यांच्या दृष्टीने महत्त्वाकांक्षी ‘वावर’ या उपक्रमाबाबतही शेतकऱ्यांना मार्गदर्शन केले जाणार आहे. सदर कार्यशाळेस मोठया संख्येने शेतकऱ्यांनी उपस्थित राहण्याचे आवाहन उपजिल्हाधिकारी (रोहयो) अशोक अमानकर यांनी केले आहे.
अधिक वाचा : तेल्हारा येथे CM चषक अंतर्गत १५ डिसेंबर पासून शेतकरी सन्मान कबड्डी स्पर्धेचे आयोजन
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
