रितेश देशमुखच्या ‘माऊली’ या चित्रपटाचा ट्रेलर रिलीज

प्रेक्षकांनी अभिनेता रितेश देशमुख च्या ‘लय भारी’ चित्रपटाला भरभरुन प्रेम दिल्यानंतर आता ‘माऊली’ चित्रपटातून रितेश प्रेक्षकांच्या भेटीस येणार आहे. काही दिवसापूर्वीच त्याच्या ‘माऊली’चा टीझर रिलीज केल्यानंतर आता चित्रपटाचा ट्रेलर रिलीज करण्यात आला आहे.विठ्ठलाच्या गाण्यापासून ‘माऊली’च्या टीझरची सुरुवात होते. ‘आपले नाव ऐकले नाय, असे एक बी गाव नाय अन् हाणल्या बगैर सोडले तर माऊली आपले नाव नाही, अशा दमदार डायलॉगमध्ये रितेशची दमदार एन्ट्री होते. रितेशची चित्रपटात मुख्य भूमिका असून या टीझरमध्ये जबरदस्त अॅक्शन आणि दमदार संवाद पाहायला मिळत आहेत. या चित्रपटात अभिनेता जितेंद्र जोशी खलनायकाच्या भूमिकेत झळकणार आहे.

इन्स्पेक्टर माऊली सर्जेराव देशमुख म्हणत्यात मला…
आपल्या सारखा TERROR नाय…..https://t.co/Sbp9CdBkHa @geneliad @saiyamikher @jitendrajoshi27 @AdityaSarpotdar @kshitij_p @amalendu_dop @siddharth23oct @AjayAtulOnline @guruthakur @mfc @h_talkies @JioCinema @MeMauli

— Riteish Deshmukh (@Riteishd) November 29, 2018

रितेशने चित्रपटाचे पहिले पोस्टर दिवाळीनिमित्ताने प्रदर्शित करुन चाहत्यांना आनंद वार्ता दिली होती. आदित्य सरपोतदार या चित्रपटाचे दिग्दर्शक असून अजय-अतुल यांनी संगीत दिले आहे. तसेच निर्माते जिनिलीया देशमुख असून माऊली चित्रपट १४ डिसेंबर रोजी प्रेक्षकांच्या भेटीस येणार आहे.