नवी दिल्ली : एम. जे. अकबर यांनी जयपूरमधील हॉटेलच्या खोलीत माझ्यावर बलात्कार केल्याचा दावा महिला पत्रकार पल्लवी गोगोई यांनी केला आहे. पल्लवी गोगोई सध्या अमेरिकेत वास्तव्यास आहे. दरम्यान आरोपांवर स्पष्टीकरण देताना एम जे अकबर यांनी मात्र आपल्यातील शरीरसंबंध परस्पर संमतीने होते अशी कबुली दिली आहे.
एम जे अकबर मुलाखतीत सांगितलं आहे की, ‘1994 च्या आसपास मी आणि पल्लवी गोगोईने परस्पर संमतीने एकमेकांशी संबंध ठेवले. काही महिने हे संबंध टिकले. या संबंधांमुळे अनेक चर्चा झाल्या. इतकंच नाही तर माझ्या कुटुंबातही कलह निर्माण झाला. परस्पर संमतीने ठेवलेले हे संबंध नंतर संपवण्यात आले’.
’29 ऑक्टोबरला वॉशिंग्टन पोस्टने माझ्या वकिलांना जवळपास 23 वर्षांपूर्वी घडलेल्या घटनेचा उल्लेख करत प्रश्नांची मालिकाच पाठवली. हे सर्व आरोप खोटे होते आणि फेटाळण्यात आले’, अशी माहिती एम जे अकबर यांनी दिली आहे. ‘2 नोव्हेंबर 2018 रोजी वॉशिंग्टन पोस्टने पल्लवी गोगोई यांनी माझ्याविरोधात बलात्कार आणि हिंसाचाराचे आरोप करणारा लेख प्रसिद्ध केला. मी तो लेख वाचल्यानंतर तथ्य समोर आणणं गरजेचं वाटलं’, असंही ते म्हणाले आहेत.
‘ज्यांनी माझ्यासोबत काम केलं आहे आणि दोघांनाही ओळखतात त्यांनी वस्तुस्थिती मांडण्यासाठी साक्ष देण्याची तयारी दर्शवली आहे. कार्यालयात काम करत असताना पल्लवी गोगोई तणावात होत्या का ? किंवा तसं वाटलं का हेदेखील ते सांगतील’, असं एम जे अकबर यांनी सांगितलं आहे.
अधिक वाचा : ‘इज ऑफ डुइंग बिझनेस’मध्ये भारताची 23 गुणांची झेप
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
