अकोला, दि. 22 :- दोन पावसामध्ये पडलेल्या खंडामुळे जमीनीतील आर्द्रता कमी झाली आहे. यामुळे जिल्हयात दुष्काळ सदृश्य परिस्थीती निर्माण झाली आहे. शेतक-यांच्या शेतातील सोयाबीन , कापुस, तुरसह विविध पिकांचे उत्पन्न कमी होणार आहे. शेतक-यांवर आलेल्या या संकटातून सावरण्यासाठी शासन शेतक-यांना जास्तीत जास्त सर्वतोपरी मदत करणार असल्याचे प्रतिपादन पालकमंत्री डॉ. रणजीत पाटील यांनी केले.
मागील काही दिवसांपासून पालकमंत्री डॉ. रणजीत पाटील जिल्हयातील प्रत्येक तालुक्याला भेट देवून शेतातील पिकांची पाहणी करत आहेत. जिल्हयात सर्वच तालुक्यात दुष्काळ सदृश्य परिस्थीती निर्माण झाली आहे. काही भागात जमिनीतील पाण्याची पातळी कमी झाल्यामुळे पिण्याच्या पाण्याची समस्या निर्माण झालेली असल्याचे दिसून येत आहे. तसेच जमीनीला भेगा पडल्यामुळे शेतात तग धरून असलेल्या पिकांची परिस्थीती बिकट असल्याचे दिसून येत आहे.
आज दि. 22 ऑक्टोंबर रोजी पालकमंत्री डॉ. रणजीत पाटील यांनी बाळापूर तालुक्यातील निमकर्दा , मोरगाव सादीजन, अंदूरा आदि गावांना भेट देवून पिकांची पाहणी केली.यावेळी त्यांच्या सोबत माजी आमदार नारायणराव गव्हाणकर, अपर जिल्हाधिकारी नरेंद्र लोणकर , जिल्हा अधिक्षक कृषि अधिकारी राजेंद्र निकम, बाळापुरचे उपविभगीय अधिकारी संजय खडसे, तहसिलदार दिपक पुंडे, उपविभागीय कृषि अधिकारी श्री कंडारकर, तालुका कृषि अधिकारी श्री. जांभळूणकर आदिंची उपस्थिती होती.
निमकर्दा येथील अरूण बळीराम जामोदे यांच्या शेतातील तुर पाणी नसल्यामुळे उत्पादनात कमी येणार आहे. अशीच परिस्थीती निमकर्दा मंडळामधील इतर शेतातील आहे. तसेच पावसाच्या दोन पाण्यात खंड पडल्यामुळे सोयाबीनचे अत्यंत कमी म्हणजेच एकरी दीड क्वींटल झाले असल्याचे शेतक-यांनी सांगितले. सोयाबीन तुर कपाशी आदि पिकांचे उत्पादनात घट झाली असल्याचे शेतक-यांनी पालकमंत्री यांना सांगितले. निमकर्दा येथील रितेश व प्रविण वसंतराव गव्हाणकर यांच्या शेतातील कपाशीच्या पिकांवर लाल्या रोग आला आहे. पाणी कमी असल्यामुळे उत्पन्नात कमी येणार आहे. याच प्रकारची परिस्थीती कसुरा , अडोशी-पडोशी आदी गावातील शेतात दिसून येते.
मोरगाव सादीजन येथील मासुमशाह मेहबुबशाह यांच्या शेतातील कापसाचे पिक पाण्यात आर्द्रता नसल्यामुळे कापसाचे पाने सुकलेली आहे. तसेच पराटीचे झाडे फुलासह बोंड न फुटता मातीमोल झाल्याचे दिसून येत आहे. अशीच परिस्थीती पाऊस कमी पडल्यामुळे व उन्हामुळे बाष्पीभवन झाल्यामुळे जमिनीतील आर्द्रता कमी होवून उत्पादनात कमी येत असल्याचे निर्दशनात आले. अंदूरा येथील संजय घंगाळे यांच्या शेतातील कपाशीचे पिक पाणी नसल्यामुळे एकरी 50 ते 60 किलो उत्पादन होण्याची शक्यता असल्याचे श्री. घंगाळे यांनी सांगितले त्यांच्या शेतातील पराटीचे पाने पावसाअभावी कोमलजून गेली आहेत.
शेतक-यांचे नुकसान होवू नये म्हणून कागदपत्रे नोंदी नुसार नाही तर प्रत्यक्ष पाहणी करून शासनाकडे अहवाल एकत्रीत अहवाल पाठविणार असल्याचे तसेच मा. मुख्यमंत्री यांच्याशी प्रत्यक्ष बोलून त्यांना प्रत्यक्ष पाहणी अहवाल सादर करणार असल्याचे पालकमंत्री डॉ. रणजीत पाटील यांनी सांगितले. केंद्र व राज्यशासन दुष्काळ सदृश्य परिस्थीतीमध्ये शेतक-यांना नियमानुसार जास्तीत जास्त मदत मिळवून देण्यासाठी कटीबध्द असल्याचे त्यांनी सांगितले.
पालकमंत्री रणजीत पाटील यांनी निकमर्दा येथील पाझर तलावाच्या खोलीकरणाची पाहणी केली. सदर पाझर तलाव 14 एकर एरीया मध्ये पसरलेला आहे. या तलावाचे खोलीकरण व विस्तारीकरण केल्याने निमकर्दा भागातील पाणी प्रश्न सुटण्यासाठी मदत होणार आहे. तसेच या भागातील पाण्याच्या पातळीत वाढ होणार आहे. यामुळे या कामाला प्राधान्य दयावे असे निर्देश पालकमंत्री डॉ. पाटील यांनी कृषि व महसुल विभागाला दिले.
बाळापूर तालुक्यातील पिक परिस्थीतीची पाहणी केल्यानंतर पालकमंत्री डॉ. रणजीत पाटील यांनी तेल्हारा तालुक्यातील अडसुळ , उमरी, नेर, पंचगव्हाण , सांगवी हिवरे आदी गावांना भेटी देवून पिक परिस्थीतीची पाहणी केली. तेल्हारा तालुक्यात दोन पावसात खंड पडल्यामुळे व अपु-या पावसामुळे दुष्काळ सदृश्य परिस्थीती निर्माण झाली आहे. या भागातील कापुस , तुर , सोयाबीन , आदी पिकाच्या उत्पादनात घट झाली आहे. या सर्वांचा एकत्रीत अहवाल तयार करण्यात येणार असल्याचे तसेच मा. मुख्यमंत्री यांच्याशी प्रत्यक्ष बोलून त्यांना प्रत्यक्ष पाहणी अहवाल सादर करणार असल्याचे पालकमंत्री डॉ. रणजीत पाटील यांनी सांगितले. यावेळी शेतक-यांशी संवाद साधुन डॉ. पाटील यांनी शेतक-यांच्या समस्या व अडीअडचणी जाणुन घेतल्या शासन आपल्या पाठीशी असून जास्तीत जास्त मदत मिळण्यासाठी प्रयत्न करणार असल्याचे त्यांनी शेतक-यांना सांगितले.
अधिक वाचा : शेतकरी बांधवाचे नुकसान होऊ देणार नाही- पालकमंत्री डाॅ. रणजीत पाटील
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
