अकोला (शब्बीर खान) : अकोला गांधी रोडवरील आझाद कॉम्प्लेक्समधील एका फ्लॅटमध्ये सुरु असलेल्या जुगार अड्डयावर सिटी कोतवाली पोलिसांनी शनिवारी रात्री छापा टाकला. या ठिकाणावरुन ४ जुगारींना ताब्यात घेण्यात आले असून त्यांच्याकडून ३२ हजार रुपयांचा मुद्देमाल जप्त करण्यात आला आहे. आझाद कॉम्प्लेक्समधील एका फ्लॅटमध्ये सुरु असलेल्या अंदर बाहर नावाच्या नवीन जुगार अड्डयावर सिटी कोतवालीचे ठाणेदार विलास पाटील यांच्या मार्गदर्शनातील पथकाने छापा टाकला. या ठिकाणावरुन अफजल खान फीरोज खान रा. बैदपुरा, मुसबीर खान आतीक खान रा. बैदपुरा, सैयद आतीक सैयद करीम रा. सिंधी कॅम्प व मो. हनीफ, मो. इसाक रा. मुजफ्फर नगर या चार जुगारींना अटक करण्यात आली. त्यांच्याकडून रोख तीन हजार रुपये, ९ हजार रुपये कीमतीचे ३ मोबाईल आणि २० हजार रुपये कीमतीचा एक मोबाईल असा एकून ३२ हजार रुपयांचा मुद्देमाल जप्त करण्यात आला आहे. ही कारवाई पोलीस अधीक्षक एम. राकेश कलासागर यांच्या मार्गदर्शनात ठाणेदार विलास पाटील, एएसआय जायभाये, प्रमोद पाटील, विपुल सोळंके, नागसेन वानखडे, ज्ञानेश्वर रडके यांनी केली.
अधिक वाचा : बायोमेट्रिक मशीन; कामचुकार कर्मचाऱ्यांची कोंडी
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
