अकोला (शब्बीर खान) : दारुड्या पतीच्या त्रासाला कंटाळून एका विवाहितेने आत्महत्या केल्याची घटना ताजी असतानाच, पातूर पोलिस स्टेशन अंतर्गत येणारया नांदखेड येथे माहेरावरुन पैसे आणण्यास नकार देणाNया पत्नीला रॉकेल टाकून जाळण्यात आल्याची खळबळजनक घटना घडली असून, पतीविरुद्ध गुन्हा दाखल करुन पोलिसांनी त्याला अटक केली आहे. जळालेली महिला रुग्णालयात मृत्यूशी झुंज देत आहे. सौ. शीतल संघचक्र उपर्वट (वय २७ वर्ष) असे या महिलेचे नाव असून, मंगळवार २ ऑक्टोबर २०१८ रोजी सायंकाळी ७ वाजता घरातील ५ लिटर रॉकेल तिच्या अंगावर ओतून तिच्यसा पतीने तिला जाळले. माहेरवरून पैसे आणण्यासाठी पती सारखा तगादा लावत होता; मात्र त्याला महिलेने नकार दिल्याने संतापलेल्या पतीने तिच्यावर रॉकेल टावूâन जाळले. या घटनेत पीडित महिला ९० टक्के भाजली असून तिच्यावर रुग्णालयात उपचार करण्यात येत आहेत. तिची प्रकृती गंभीर आहे. शीतल आणि संघचक्र यांचा २०११ साली विवाह झाला होता. त्यांना आदित्य (वय ७ वर्ष) आणि पायल (वय ५ वर्ष) अशी दोन मुले आहेत. शीतल उपर्वट हिने वैद्यकीय अधिकारी आणि पातूरचे ठाणेदार डी. सी.खंडेराव यांच्या समक्ष मृत्यूपूर्व जबानीत आपला पती संघचक्र याने ५ लिटर रॉकेल अंगावर ओतून आपल्याला पेटवून दिले,असे सांगितले. त्यावरून पातूर पोलिसांनी भादंविच्या कलम ३०७ आणि ४९८ नुसार गुन्हा दाखल केला असून, आरोपीला अटक करण्यात आली आहे. जळीत महिला रुग्णालयात मृत्यूशी झुंज देत आहे.

अधिक वाचा : युवकाची गळफास घेऊन आत्महत्या; मृत्यूमुळे परिसरात हळहळ

No Result