तेल्हारा(प्रतिनिधी)- तालुक्यातील ग्राम खापरखेड येथे एक इसमाला जबर मारहाण झाली होती तर त्या घटनेच्या दुसऱ्या दिवशी गावातील एका युवकाने गळफास घेऊन आत्महत्या केली होती.मारहाण प्रकरणातील आरोपींनी धमकवल्याने माझा मुलाने आत्महत्या केल्याची तक्रार तेल्हारा पोलीस ठाण्यात देण्यात आली आहे.
अधिक सविस्तर बातमी:
१. खापरखेड येथे एकास चामड्याच्या पट्ट्याने जबर मारहाण
२. खापरखेड येथील सतरा वर्षीय युवकाने घेतला गळफास
ग्राम खापरखेड येथील श्रीधर काळमेघ या इसमास दि १५ सप्टेंबर रोजी गावातील सोपान ताथोड ,ज्ञानेश्वर ताथोड,अंकुश डाबेराव,सतीश ताथोड या चार जणांनी पाईप व चामडी पट्ट्याने जबर मारहाण केली होती.ज्या वेळी मारहाण करण्यात आली.त्यावेळी आत्महत्या केलेला युवक सागर वानखडे तिथे उपस्तिथ होता.त्यावेळी मारहाण करणाऱयांनी त्याला धमकवल्याने माझा मुलाने आत्महत्या केल्याची तक्रार आत्महत्या केलेल्या युवकाच्या आईने तेल्हारा पोलिस ठाण्यात दिली.तक्रारीमध्ये सोपान ताथोड,सतीश ताथोड,ज्ञानेश्वर ताथोड,संतोष ताथोड या चार जणांनी माझा मुलाला धमकावून आत्महत्येस पररावृत केले असे तक्रार अर्जात नमूद केले असून पुढील तपास ठाणेदार विकास देवरे करीत आहेत.तर तपासअंती दोषींवर गुन्हा दाखल करण्यात येणार असल्याचे ठाणेदार यांनी स्पष्ट केले.यामध्ये उपविभागीय पोलीस अधिकारी सुनील सोनवणे स्वतः लक्ष ठेऊन असून पुढे काय कारवाई होते याकडे जनतेचे लक्ष लागले आहे.
