प्राध्यापकाची बदली रद्द व्हावी म्हणून विद्यार्थी झाले आक्रमक

तेल्हारा(शुभम सोनटक्के): गेल्या काही दिवसांपूर्वी श्री शिवाजी शिक्षण संस्था अमरावती द्वारा संचालित डॉ गोपाळराव खेडकर महाविद्यालयातील दोन प्राध्यापकांची श्री शिवाजी शिक्षण संस्थेच्या वतीने बदली करण्यात आली असून हि बदली रद्द होण्याकरिता महाविद्यालयातील आजी माजी विद्यार्थ्यांनी महाविद्यालयाचे उपप्राचार्य प्रा.डॉ. केदार यांनी ५०० च्यावर विद्यार्थ्यांच्या सह्या असलेले निवेदन देण्यात आले आहे.
श्री शिवाजी शिक्षण संस्था अमरावती द्वारा संचालित डॉ गोपाळराव खेडकर महाविद्यालय गाडेगाव तेल्हारा येथील प्राध्यापक डॉ. गोपाल ढोले तसेच प्रा.चोपडे यांची काही दिवसांपूर्वी श्री शिवाजी शिक्षण संस्था अमरावती द्वारा संचालित डॉ. गोपाळराव खेडकर महाविद्यालय, गाडेगाव तेल्हारा येथून दुसरीकडे बदली करण्यात आली. सदर प्राध्यापक यांची या महाविद्यालयाला गरज असून महाविद्यालयात डॉ. गोपाल ढोले सर तसेच प्रा. चोपडे सर हे अभ्यासू, मनमिळावू व विद्यार्थ्यांच्या सर्व समस्या सोडवीत असल्यामुळे यांची बदली केल्यामुळे स्थानिक विद्यार्थ्यांमध्ये नाराजी व संतापाची भावना निर्माण झाली आहे. त्यामुळे स्थानिक आजी माजी विद्यार्थी विनंती अर्जाद्वारे श्री शिवाजी शिक्षण संस्था अमरावती यांचे अध्यक्ष, उपाध्यक्ष सचिव यांनी विनंती केली आहे. या निवेदनात म्हटले आहे कि लवकरात लवकर डॉ. गोपाल ढोले सर व प्रा. चोपडे सर यांची बदली रद्द करून त्यांना पूर्ववत डॉ. गोपाळराव खेडकर महाविद्यालय, गाडेगाव तेल्हारा येथे रुजू करण्यात यावे. तसेच जर येत्या आठ दिवसांत निर्णय न घेतल्यास सर्व आजी माजी विद्यार्थी आंदोलनाचा पवित्रा घेतील असा इशारा देण्यात आला आहे. या निवेदनाच्या प्रति श्री शिवाजी शिक्षण संस्थेचे अध्यक्ष, उपाध्यक्ष, सचिव, पालकमंत्री, शिक्षणमंत्री, तेल्हारा तहसीलदार, तेल्हारा पोलीस स्टेशन यांना प्रतिलिपीद्वारे देण्यात आले. तसेच हे या निवेदनावर विशाल नांदोकार, महेश सुरे, श्रीकांत टेकाडे, सुनील आमले, अभय काळे, धनंजय खारोडे, प्रसन्न मोहड, अनिकेत बकाल, वैष्णवी भोंगरे, जयश्री रत्नपारखी, अर्चना दातकर, राधिका जानोरकार, नीता सरोदे,यांसह शेकडो विद्यार्थ्यांच्या सह्या आहेत.