‘नमस्ते इंग्लंड’ चित्रपटाचा ट्रेलर प्रदर्शित !

अर्जुन कपूर आणि परिणिती चोप्रा यांची मुख्य भूमिका असलेल्या आगामी ‘नमस्ते इंग्लंड’ चा पोस्टर काही दिवसापूर्वी वादाच्या भोवऱ्यात सापडला होता. या पोस्टरमध्ये भारताचा चुकीचा नकाशा दाखवल्यामुळे हा वाद निर्माण झाला होता. त्यानंतर ही चूक सुधारत नवीन पोस्टर प्रदर्शित करण्यात आला. या नव्या पोस्टरनंतर आता चित्रपटाचा ट्रेलर प्रदर्शित झाला आहे.

या चित्रपटाच्या माध्यमातून पुन्हा एकदा अर्जुन कपूर आणि परिणिती चोप्रा एकत्र स्क्रिन शेअर करणार आहेत. यापूर्वी ‘इश्कजादे’ या चित्रपटामध्ये ही जोडी एकत्र झळकली होती. ‘नमस्ते इंग्लंड’ या चित्रपटाचा ट्रेलर प्रदर्शित झाल्यानंतर चित्रपट व्यापार विश्लेषक तरण आदर्श यांनी ट्विटरच्या माध्यमातून ही माहिती दिली आहे.

Trailer out tomorrow [6 Sept 2018]… New poster of #NamasteEngland… Stars Arjun Kapoor and Parineeti Chopra… Directed by Vipul Amrutlal Shah… 19 Oct 2018 release. pic.twitter.com/Dgl3gRxLrZ

— taran adarsh (@taran_adarsh) September 5, 2018

परिणिती आणि अर्जुन या दोघांनीही या चित्रपटासाठी प्रचंड मेहनत घेतली असून चित्रपटाचं प्रमोशनही जोरदार पद्धतीने केल्याचं पाहायला मिळालं आहे. हा चित्रपट येत्या १९ ऑक्टोबर रोजी प्रेक्षकांच्या भेटीला येणार आहे.

करिअर घडविण्यासाठी देश सोडून इंग्लंडला गेलेल्या जस्मीतची (परिणिती) ही गोष्ट असून आपल्या पत्नीला तिचं करिअर घडविणारा परम आणि जस्मीत इंग्लंडला गेल्यानंतर तिला भेटण्यासाठी परमने (अर्जुन) केलेले प्रयत्न या ट्रेलरमधून दिसून येतं आहे.

‘नमस्ते इंग्लंड’ची धूरा सांभाळणाऱ्या विपुल शाह यांनी यापूर्वी ‘नमस्ते लंडन’ या चित्रपटाचंही दिग्दर्शन केलं होतं. ११ वर्षापूर्वी प्रदर्शित झालेल्या या चित्रपटातून अक्षय कुमार आणि कतरिना कैफ ही जोडी प्रेक्षकांच्या भेटीला आली होती. विशेष म्हणजे या जोडीने प्रेक्षकांची मनंही जिंकली होती. त्यामुळे अर्जुन- परिणीतीची जोडी प्रेक्षकांचं मन जिंकण्यास यशस्वी ठरतात का हे पाहणं औत्सुक्याचं ठरणार आहे.

अधिक वाचा : अक्षयचा ‘गोल्ड’ सौदी अरबमध्ये प्रदर्शित होणारा बॉलिवूडमधला पहिला सिनेमा

अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.

अवर अकोला ला फेसबुक वर लाईक करा – www.facebook.com/OurAkolaMedia

अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks

अवर अकोला ला ट्विटरवर फॉलो करा – https://twitter.com/ourakola

अवर अकोला ला इन्स्टाग्रामवर फॉलो करा – www.instagram.com/OurAkola