इंजिनीअरींग, मेडिकलसाठी प्रवेश घेऊ इच्छिणाऱ्या विद्यार्थ्यांसाठी एक खुषखबर आहे. इंजिनीअरींग, मेडिकल अभ्यासक्रमांच्या प्रवेश परीक्षा जेईई आणि नीटसाठी आता मोफत सरकारी शिकवणी मिळणार आहे. २०१९ पासून हा निर्णय लागू होणार आहे. खासगी कोचिंग क्लासला यामुळे चांगलाच दणका बसणार आहे. पहिल्या टप्प्यात केवळ जेईई-मेन्सचीच सराव परीक्षा घेतली जाणार आहे. उच्च शिक्षण संस्थांमधील पदवी प्रवेशांसाठी होणाऱ्या प्रवेश परीक्षांच्या आयोजनासाठी केंद्र सरकारने नॅशनल टेस्टिंग एजन्सी स्थापन केली आहे. ही संस्था आपल्या २,६९७ केंद्रांचं रुपांतर पुढील वर्षीपासून प्रशिक्षण केंद्रांत करणार आहे. हे प्रॅक्टिस सेंटर ८ सप्टेंबरपासून काम सुरू करणार आहेत.
मे २०१९ पासून या केंद्रांवर शिकवणी सुरू केली जाईल. पहिल्या टप्प्यात, नॅशनल टेस्टिंग एजन्सीत येणाऱ्या जेईई मेन्स च्या विद्यार्थ्यांची सराव चाचणी घेतली जाईल. जे विद्यार्थी अॅप आणि वेबसाइटच्या माध्यमातून नोंदणी करतील, त्यांना ही चाचणी देता येईल. चाचणीच्या निकालानंतर, विद्यार्थ्यांना त्यांच्या चुका सुधारण्यात सेंटरचे शिक्षक मदत करतील.
या योजनेसाठी १ सप्टेंबर रोजी नॅशनल टेस्टिंग एजन्सी अॅप आणि वेबसाईटचं उद्घाटन करणार आहे. याच दिवशी नोंदणी प्रक्रियेसदेखील सुरुवात होईल. ३० सप्टेंबरपर्यंत ही नोंदणी सुरू राहील.
अधिक वाचा : राज्यातील शाळांत स्वच्छ भारत पंधरवडा,१ सप्टेंबर ते १५ सप्टेंबर २०१८ या काळात अंमलबजावणी
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
