पातुर : शिरपूर-मालेगाव रस्त्यावर झालेल्या दुचाकीच्या अपघातात पातुरचा युवक ठार झाला. ही घटना २७ ऑगस्ट रोजी दुपारी घडली. रवी प्रकाश तायडे असे मृतक युवकाचे नाव आहे.
हराळ येथे रक्षाबंधनाचा कार्यक्रम आटोपून रवी प्रकाश तायडे आणि त्यांची पत्नी अश्विनी रवी तायडे दुचाकी क्रमांक एम. एच.३० एम ५११४ ने पातुरकडे येत होते. दरम्यान, वाशिम जिल्ह्यातील शिरपूर येथून चार किलोमीटर अंतरावर समोरून येत असलेल्या क्रमांक एम. एच. ३८ आर ७६७४ ने रवी तायडे यांच्या दुचाकीस जबर धडक दिली. यामध्ये समोरून आलेल्या दुचाकीस चालक अमोल अशोक सावळे रा. ढोरखेळा ता. मालेगाव व रवी तायडे हे दोघेही गंभीर जखमी झाले.
घटनेची माहिती मिळताच शिरपूर पोलीस स्टेशनचे पोलीस उप निरीक्षक गिरीश तोगरवाड, पंजाब घुगे, गंगाधर अडाणी
यांनी घटनास्थळ गाठून जखमींना रुग्णवाहिकेद्वारे उपचारासाठी हलविले. त्यापैकी अमोल सावळे यास उपचारासाठी वाशीम येथे नेताना त्याचा मृत्यू झाला तर रवी तायडे यांचा अकोला येथे उपचारासाठी नेत असताना मृत्यू झाला. रवी तायडे याच्या मागे आई, वडील, पत्नी असा आप्त परिवार आहे.
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
