मुंबईः फोर्ब्स या बिझनेस मॅगझिनने जगातील सर्वाधिक कमाई करणा-या अभिनेत्यांची वार्षिक यादी जाहीर केली आहे. टॉप 10 मध्ये बॉलिवूडमधून अक्षय कुमार आणि सलमान खानच्या नावाची वर्णी या यादीत लागली आहे. पण बॉलिवूडचा किंग खान शाहरुख या यादीत स्थान मिळवू शकलेला नाही. खास गोष्ट म्हणजे कमाईत अक्षय कुमार सलमान खानपेक्षा वरचढ ठरला आहे. फोर्ब्सने जाहीर केलेल्या यादीत सातव्या क्रमांकावर अभिनेता अक्षय कुमार असून त्याची एका वर्षाची कमाई $40.5 मिलियन अर्थातच सुमारे 284 कोटी रुपये एवढी आहे. तर नवव्या स्थानावर असलेल्या सलमान खानची वार्षिक कमाई $38.5 मिलियन म्हणजेच सुमारे 270 कोटी इतकी आहे. हे आकडे 1 जून 2017 ते 1 जून 2018 या काळातील कमाईच्या आधारावर जाहीर करण्यात आले आहेत. फोर्ब्सच्या यादीत 57 वर्षीय हॉलिवूड अभिनेते जॉर्ज $239 मिलियन म्हणजेच सुमारे 1674 कोटींच्या कमाईसोबत पहिल्या स्थानावर आहेत.
– जून 2017 आणि जून 2018 याकाळात अक्षय कुमारचे ‘टॉयलेट : एक प्रेम कथा’ आणि ‘पॅडमॅन’ हे दोन चित्रपट रिलीज झाले होते. ‘टॉयलेट…’ ने वर्ल्डवाइड बॉक्स ऑफिसवर 316 कोटींचे ग्रॉस कलेक्शन केले, तर ‘पॅडमॅन’ची कमाई 120 कोटींच्या घरात झाली होती. चित्रपटांच्या मानधनासोबत अक्षय त्याचा प्रॉफिटमधील शेअर घेतो. याशिवाय पैसाबाजार, डॉलर क्लब, कजरिया टायल्स आणि टाटा मोटर्स सह अनेक ब्रॅण्ड्स तो एंडोर्स करतो.
– सलमान खानविषयी सांगायचे म्हणजे, 1 जून 2017 ते 1 जून 2018 याकाळात त्याचेही ‘ट्यूबलाइट’ आणि टाइगर जिंदा है’ हे दोन चित्रपट रिलीज झाले होते. ‘ट्यूबलाइट’चे वर्ल्डवाइड बॉक्स ऑफिस कलेक्शन 223 कोटी तर ‘टाइगर जिंदा है’चे कलेक्शन 562 कोटींच्या घरात झाले. ‘ट्यूबलाइट’चे प्रॉडक्शन स्वतः सलमान खानने केले होते. तर आदित्य चोप्राच्या यशराज प्रॉडक्शनमध्ये बनलेल्या ‘टाइगर जिंदा है’ या चित्रपटातून एकट्या सलमानची कमाई 70 कोटींहून अधिक झाली होती. अक्षयच्या तुलनेत सलमानजवळ ब्रॅण्ड एंडोर्समेंट कमी आहेत. तो सुजुकीचा ब्रॅण्ड अॅम्बेसडर आहे. याशिवाय डायमंड नमकीन, डिक्सी स्कॉट आणि एस्ट्रोल पाइपसह काही ब्रॅण्ड्स एंडोर्स करताना दिसत असतो.
ही टॉप 10ची यादी
जॉर्ज क्लूनी – १,६७२ कोटी
ड्वेन जॉन्सन – ८६७ कोटी
रॉबर्ट डाउनी ज्युनियर – ५६६ कोटी
ख्रिस हेम्सवर्थ – ४५१ कोटी
जॅकी चॅन – ३१८ कोटी
विल स्मिथ – २९३ कोटी
अक्षयकुमार – २८३ कोटी
अॅडम सँडलर – २७६ कोटी
सलमान खान – २६९ कोटी
ख्रिस इवान्स – २३७ कोटी
हेही वाचा : ऋतिक रोशन आणि टायगर श्रॉफ झळकणार एकत्र
